Kompania “SALILLARI Sh.p.k”, Lider në sektorin e ndërtimit me më shumë se 30 vjet përvojë, përshtatet me karakteristikat e secilit projekt për të krijuar zgjidhje inxhinierike dhe inovative.

“SALILLARI Sh.p.k” aktivitetin e ndërtimit e ka në: Infrastrukturë, Ndërtime Civile, Ujsjellës, Shpim të naftës, Prodhimi i Materialeve Ndërtimore, Punime të tjera inxhinierike, Punime në port detar, Aeroport, Punime Industriale dhe Ndërtimore, Projektimi i Punimeve Civile dhe Industriale, etj..

Shërbimet tona shtrihen nga planifikimi dhe investimi fillestar, deri në fillimin dhe funksionimin.

“SALILLARI Sh.p.k” shpall pozicion të lirë pune INXHINIER NDËRTIMI NË DEPARTAMENTIN E PROKURIMEVE.

QËLLIMI I POZICIONIT:

Inxhinieri i Prokurimeve (Tenderimeve) është përgjegjës për identifikimin, përgatitjen, koordinimin dhe dorëzimin e dokumentacionit të nevojshëm për pjesëmarrjen e kompanisë në procedurat e tenderimit publik dhe privat, si dhe për administrimin e proceseve të prokurimit në përputhje me kërkesat teknike, ligjore dhe kontraktuale.

DETYRAT KRYESORE:

• Monitoron dhe identifikon mundësitë për pjesëmarrje në tendera publikë dhe privatë.
• Analizon dokumentacionin e tenderit dhe kërkesat teknike të autoriteteve kontraktore.
• Përgatit kërkesat për oferta (RFQ) bazuar në nevojat e tenderit.
• Koordinon procesin e mbledhjes së ofertave nga furnitorët dhe nënkontraktorët.
• Përgatit analizën krahasuese dhe përmbledhëse të ofertave të marra.
• Verifikon përputhshmërinë e ofertave me kërkesat teknike, financiare dhe administrative të tenderit.
• Merr pjesë në përgatitjen e dokumentacionit për paraqitjen e ofertave.
• Zhvillon dhe implementon politikat dhe procedurat e prokurimit të kompanisë.
• Kryen kërkime tregu dhe identifikon furnitorë potencialë.
• Negocion kushtet teknike dhe komerciale me furnitorët kur kërkohet.
• Përgatit dokumentacionin e nevojshëm për procedurat e prokurimit.
• Administron dhe mirëmban dosjet e prokurimeve sipas procedurave të kompanisë.
• Siguron transparencë dhe gjurmueshmëri në proceset e prokurimit.
• Plotëson, përditëson dhe mirëmban dokumentacionin teknik dhe administrativ të kompanisë për pjesëmarrje në tendera.
• Përzgjedh kontratat dhe projektet e ngjashme të realizuara nga kompania.
• Analizon dhe verifikon përputhshmërinë e tyre me kërkesat e tenderëve.
• Përgatit dokumentacionin referues për demonstrimin e eksperiencës së kompanisë.
• Bashkëpunon me departamentet e kompanisë për sigurimin e dokumenteve dhe informacionit të nevojshëm.
• Përgatit, harton dhe përditëson dokumentet teknike të kërkuara nga tenderët, duke përfshirë:
• Metodologjine e punimeve.
• Grafikun e punimeve.
• Planin e menxhimit të sigurisënë kantier (HSE Plan) në bashkëpunim me departamentin e HSE të kompanisë.
• Planin e monitorimit dhe kontrollit të cilësisë (QA/QC Plan).
• Planin e monitorimit dhe ndikimit në mjedis (ESHS Plan) në bashkëpunim me Inxhinierët e mjedisit të kompanisë.

KRITERET E KERKUARA

• Të ketë Diplomë Master në Fakultetin e Inxhinierisë së Ndërtimit (Ndërtim, Hidro, Infrastukturë).
• Eksperiencë pune mbi 5 vjet në prokurime.
• Aftesi shumë të mira organizative, komunikuese dhe negociuese.
• Të jetë përdorues i avancuar i programeve komputerike si Paketa OFFICE, Autocad, etj.
• Të ketë njohuri shumë të mira të gjuhës angleze.Njohja e gjuhes Italiane është plus.
• Të njohë mire Dokumentacionin Teknik të tenderimit, si: Grafik punimesh, Metodologji punimesh, HSE plan, QA/ QC plan.
• Të jetë e paisur me Leje Drejtimi, Klasi B.