Përshkrimi

PROGEEN sh.p.k. është një kompani që operon në tregun Shqiptar që prej vitit 2013 në fushën e ndërtimit si Investitor dhe Kontraktor Kryesor. Vlerat kryesore të PROGEEN janë profesionalizmi, besueshmëria dhe cilësia e lartë e ndërtimit duke përfshirë zgjidhje bashkëkohore në çdo projekt. PROGEEN çmon më së shumti kapitalin njerëzor të profesionistëve, të cilit i beson suksesin e çdo projekti.

Ju ftojmë të sfidoni aftësitë tuaja, pasi ne vlerësojmë mbi të gjitha mendjet dhe ambiciet që sjellin ndryshimin.

Roli: Inxhinier Elektrik
Departamenti: Elektrik
Vendndodhja: Durrës

Përmbledhja e rolit: Inxhinieri Elektrik do të ketë përgjegjësi për mbikëqyrjen e zbatimit të sistemeve elektrike për projektet tona të ndërtimit. Kandidati duhet të ketë ekspertizë në parimet e inxhinierisë elektrike dhe aftësinë për të projektuar, zbatuar dhe mirëmbajtur sisteme elektrike në kantiere ndërtimi të ndryshme të shoqërisë. Inxhinieri Elektrik do të bashkëpunojë me menaxherët e projektit, arkitektët dhe inxhinierët e tjerë për të siguruar plotësimin e kërkesave të projektit.

Detyrat

Detyrat dhe Përgjegjësitë:

• Analizon projektet për përputhje me kodet elektrike, standardet ndërkombëtare dhe kërkesat kontraktuale.
• Përgatit dhe dorëzon kërkesa për miratimin e materialeve dhe pajisjeve elektrike, duke ndjekur procesin e aprovimit me Inxhinierin e Projektit dhe Supervizorin.
• Përgatit vizatimet e punës (shop drawings) për sistemet elektrike: shpërndarjen e fuqisë, ndriçimin, sistemet IT, CCTV, alarmi zjarri dhe automatizimin e ndërtesës (BMS).
• Mbikëqyr punimet elektrike në kantier për të siguruar ekzekutimin korrekt, cilësinë e instalimeve dhe respektimin e procedurave të sigurisë.
• Ndihmon në menaxhimin dhe zgjidhjen e RFI-ve teknike që lidhen me zbatimin e punimeve elektrike.
• Merr pjesë në testimet dhe kolaudimin e sistemeve elektrike, duke dokumentuar parametrat dhe performancën në përputhje me kontratën.
• Përgatit dhe plotëson As Built Drawings për sistemet elektrike, pasqyron ndryshimet e zbatimit dhe bashkëpunon në përgatitjen e dokumentacionit final të dorëzimit.
• Kryen situacionet e punëve/ raporte mbi progresin e punimeve.

Kualifikimet

Kualifikimet dhe aftësitë:

• Diplomë në Inxhinieri Elektrike
• Eksperiencë pune mbi 3 vjet
• Njohuriam bi kontratën FIDIC përbën avantazh
• Të ketë aftësi komunikuese dhe bashkëpunuese në grup
• Njohuri të mira në përdorimin e softuerit të projektimit, ndihmuar nga kompjuteri (CAD)

Përfitimet

• Një ambient mikpritës dhe dinamik;
• Mundësi dhe hapësirë për t'u rritur profesionalisht;
• Përfshija në projekte sfiduese.

Të dhënat personale të kandidatëve do të trajtohen dhe ruhen në përputhje me Ligjin nr. 124/2024 për mbrojtjen e të dhënave personale.