Bashkohuni me ProCredit Bank në Durrës si Këshillues Biznesi Mikro dhe bëhuni partneri financiar që sipërmarrësit e vegjël e të mesëm kërkojnë në çdo hap të rrugëtimit të tyre.

Do të takoni biznese reale, do të kuptoni nevojat e tyre dhe do të ofroni zgjidhje bankare të personalizuara që i ndihmojnë të rriten. Çdo ditë do të sjellë analiza të reja, vendime që kanë rëndësi dhe marrëdhënie që ndërtohen për vite me radhë. Roli ju lejon të kombinoni ekspertizën financiare me aftësitë e komunikimit, duke u kthyer në një këshilltar të besuar për klientët tuaj. Do të punoni në një ekip që vlerëson përkushtimin, etikën dhe rritjen profesionale të vazhdueshme.

Nëse dëshironi një karrierë ku numrat takohen me njerëzit, ky është vendi për ju.

Përgjegjësitë kryesore:

• Përgjegjës në prezantimin e bankës para klientëve të rinj dhe ekzistues, me qëllim ndërtimin e marrëdhënieve afatgjata me klientët e biznesit.
• Organizon dhe zhvillon takime me klientët e rinj.
• Analizon në mënyrë periodike zhvillimin e klientëve në portofol dhe bashkëpunimin e tyre me bankën.
• Bën propozime në komitetin e biznesit si edhe ndjek realizimin e vendimeve të marra në komitet për të gjithë klientët në portofol.
• Përgjegjës për ruajtjen dhe zhvillimin e një portofoli cilësor në terma ekspozimesh kredie si edhe shërbimesh të tjera bankare.
• Është iniciues dhe pjesëmarrës aktiv në komitetet e biznesit për klientët e portofolit të tij/ saj, etj

Kriteret për kandidatët:

• Eksperiencë pune të mëparshme si Këshillues Biznesi, e preferueshme mbi 2 vite, ne sektorin bankar.
• Njohuri dhe aftësi në të kuptuarit e parimeve dhe praktikave të veprimeve me biznesin e vogël/të mesëm.
• Aftësi në analizimin dhe përgatitjen e pasqyrave financiare.
• Aftësi të mira në komunikimin dhe shërbimin me klientin.
• Aftësi për mbledhje të dhënash, përpunim informacioni dhe përgatitje raportesh.
• Diplomë universitare (bachelor ose master).
• Aftësi shumë të mira komunikuese dhe organizative.
• Njohuri shumë të mira të gjuhës angleze.