Titulli i vendit të punës: Teknik për Instalime Elektrike (ESElektrikës) – një (1) vend i lirë pune

Referenca: 10/1-01/SRS/076/2026

Data: 07.04.2026

Vendi i punës: Ekipi i Specialistëve të Elektrikës / Njësia e Teknikëve / Sektori i Mirëmbajtjes / Drejtoria e Menaxhimit të Objekteve

Klasa: Profesional 1

Koeficienti: 6.7

Kohëzgjatja e emërimit: Me afat të pacaktuar

Detyrat dhe përgjegjësitë:

• Mirëmbajtjen e vazhdueshme të sistemit të instalimeve elektrike nëpër të gjitha objektet e PK-së
• Mirëmbajtjen e sistemit të alarmit kundër zjarrit në objektet e PK-së
• Riparimin e sistemit të alarmit kundër zjarrit në objektet e PK-së
• Instalimin e sistemit të ri të instalimeve elektrike në të gjitha objektet e PK-së
• Riparimin e defekteve që paraqiten në objektet e PK-së
• Kyçjen e UPS-ve për furnizim me energji elektrike si alternativ pas ndërprerjes së energjisë elektrike në dhomat e serverëve të pajisjeve të IT-së
• Adaptimin e instalimeve në përputhshmëri me veprimtaritë që zhvillohen në hapësirat përkatëse
• Angazhimin në mbledhjen e informatave të inteligjencës nga të gjitha burimet në dispozicion gjatë ushtrimit të detyrës zyrtare
• Kryerjen e punëve të tjera që ia përcakton mbikëqyrësi i drejtpërdrejt në përputhje me aktet ligjore dhe nënligjore

Shkollimi i kërkuar dhe shkathtësitë:

• Shkollim i mesëm - çertifikatë e profesionit
• Së paku dy (2) vite përvojë pune profesionale
• Certifikatë të kryerjes së trajnimit përkatës, apo dëshmi të kryerjes së punëve të tilla
• Aftësi profesionale dhe motivuese
• Posedim të standardeve të larta etike
• Shkathtësi organizative
• Shkathtësi të dëshmuara të komunikimit me shkrim dhe me gojë

Kërkesa shtesë:

• E dëshirueshme të ketë patent shoferi
• Gatishmëri për punë me orar të zgjatur

Kërkesat e përgjithshme për pranim janë:

• Të jetë shtetas i Republikës së Kosovës
• Të ketë zotësi të plotë për të vepruar
• Të zotërojë njërën nga gjuhët zyrtare, në pajtim me Ligjin për Gjuhët
• Të jetë i aftë në pikëpamje shëndetësore për të kryer detyrën përkatëse
• Të mos jetë i dënuar me vendim të formës së prerë për kryerjen e një vepre penale me dashje
• Të ketë nivelin e arsimit dhe përvojën e punës të kërkuar për pozitën, kategorinë, klasën apo grupin përkatës
• Të ketë integritet personal dhe vlera të larta etike
• Të kalojë me sukses procedurat e pranimit

Dokumentet e kërkuara:

• Kopja e diplomës për arsimin e kërkuar (për kandidatët që kanë përfunduar shkollimin jashtë vendit: kopja e diplomës e nostrifikuar)
• Dëshmi për kualifikime tjera dhe përvojën e punës
• Kopje e patentë shoferit (e dëshirueshme)
• Certifikata e gjendjes penale (jo më e vjetër se 6 muaj)
• Çertifikata/ekstrakti i lindjes (jo më i vjetër se 6 muaj)
• Kopja e letërnjoftimit ose pasaportës valide
• Një fotografi të formatit (5 x 5)

Aktet ligjore dhe nënligjore që rregullojnë rekrutimin:

• Bazuar në aktet ligjore të përmendura, të gjitha aplikacionet dhe dokumentacioni i pranuar do të shqyrtohen me kujdes. Nëse gjatë shqyrtimit konstatohet se kandidati nuk i plotëson kriteret e përcaktuara për aplikim dhe punësim, ose nëse aplikacioni përmban të dhëna të rrejshme, kandidati menjëherë do të diskualifikohet.

Procesi i përzgjedhjes:

• Kandidatët e suksesshëm do të ftohen të marrin pjesë në testimin me shkrim dhe me gojë. Kandidatët që kalojnë testin me shkrim do t’i nënshtrohen intervistës. Pozitat i nënshtrohen procesit të verifikimit dhe mund të plotësohen vetëm pas përfundimit të suksesshëm të procesit të verifikimit.

Data e fillimit dhe e mbylljes së konkursit: Konkursi do të jetë i hapur 15 ditë nga data 07.04.2026 deri më 22.04.2026.