Përshkrimi

Harton dhe interpreton kontrata dhe marrëveshje të ndryshme që lidh kompania me klientët, furnitorët dhe me çdo palë të tretë, sipas objektit dhe qëllimit të saj.

Detyrat

• Hartimi i kërkesave drejtuar intstitucioneve shtetërore (Bashki, Ministri, UKT sha, OSHEE sha, Tatime, Inspektoriate shtetërore etj);
• Është përgjegjës për saktësinë dhe arkivimin e çdo dokumenti pronësie që përbëjnë aste të shoqërisë duke mbajtur nën kontroll rifreskimin e tyre, në ato raste që kërkohet dhe është e nevojshme për shoqërinë;
• Aplikime të vazhdueshme në QKB (akte themelimi, statute,regjistrime shoqërie,hapje/mbyllje adresa dytësore) dhe harton akte përfaqësimi prokura/autorizime;
• Mbarëvajtje e proçesit me institucionet deri në ardhjen e shkresës në zyrë apo dokumentit të kërkuar;
• Përgjegjës për arkivim/ruajtjen e çdo dokumenti që vjen nga jashtë për Departamentin Ligjor;
• Ruajtje e kontaktit me noterët e shoqërisë (mbarëvajtjen e proçesit nga momenti i hartimit të kontratës, firmosjes, vulosjes në zyrë, dërgimit tek noterët, nënshkrimi i kontratës dhe vulosja nga noteri, tërheqja e kopjeve origjinale në zyrë);
• Dorëzim çertifikatash pronësie për klientët (mbajtja e proçesverbalit të dorëzimit, hartimi i vërtetimit të likujdimit të çmimit etj);
• Sigurohet që çdo kontratë ka bashkëlidhur anekset përkatëse si edhe që është e vulosur, e firmosur nga palët dhe nuk ka gabime në materiale;
• Përkthen dokumente juridike në shqip ose në gjuhën angleze;
• Sigurohet dhe është përgjegjës që të gjitha dosjet e objekteve dhe çdo dokumentacion të jetë i skanuar dhe në server;
• Mban të regjistruar çdo akt/dokument që del nga shoqëria dhe është nënshkruar nga ne dhe sigurohet që të vijë origjinali në zyrë;
• Mban fotokopje të çdo dokumenti noterial që nuk është hartuar në zyrë dhe që nënshkruhet nga administratori i shoqërisë;
• Harton dhe përgatit dokumentacionin për tendera;
• Harton akte të ndryshme, të kërkuara nga eprori të tilla si: Kontrata sipërmarrje, kontrata furnizimi, qiraje, huaje, shërbimi etj;
• Ofron suportin për Departamentin e Financës/Arkitekturës, duke i vënë në dispozicion dokumenta të ndryshme që ky departament kërkon.
• Mban kontaktin me klientë të ndryshëm të shoqërisë, të cilëve kur është nevoja, mund ti dërgojë njoftime të ndryshme në bazë e për zbatim të kontratave të nënshkruara prej tyre.
• Detyra të tjera të caktuara nga eprori.

Kualifikimet

• Diplomë e Nivelit Bachelor dhe Master në Drejtësi,
• Eksperiencë të mëparshme në kompani ndertimi do të ishte avantazh,
• Aftësi shumë të mira në formulimin e qartë të mendimit juridik dhe shkrimit të tij sipas formateve të kërkuara;
• Aftësi shumë të mira komunkimi, punë në grup dhe dedikimi në ndjekjen dhe përfundimin e puëve.

Shënime

"Të dhënat personale të kandidatëve do të trajtohen dhe ruhen në përputhje me Ligjin nr. 124/2024 për mbrojtjen e të dhënave personale.”

Të dhënat personale të kandidatëve do të trajtohen dhe ruhen në përputhje me Ligjin nr. 124/2024 për mbrojtjen e të dhënave personale.