Pozicioni - Zv. Drejtor Dege/CRM Senior, Dega Rrogozhine

Divizioni - Retail

Kualifikimi i kërkuar:

• Të zotërojë diplomë të arsimit të lartë në fushën e ekonomisë ose fusha të tjera të lidhura me të;
• Të ketë përvojë pune mbi 5 vjet në industrinë bankare apo në industri të ngjashme;
• Të ketë aftësi drejtuese dhe të manaxhimit të stafit;
• Të ketë aftësi të shkëlqyera ndërpersonale dhe të ruajtjes dhe zhvillimit të rrjetit personal dhe Profesional;
• Të ketë aftësi të mira komunikuese, prezantuese, koordinuese dhe bindëse;
• Të ketë njohuri të mira në përdorimin e kompjuterit;
• Të ketë njohuri të shumë të mira të rregulloreve dhe procedurave për funksionimin e degëve të bankës dhe të sektorit bankar në përgjithësi;
• Të jetë i/e orientuar drejt shërbimit të klientit dhe të sigurojë që ofrohet cilësia më e lartë e shërbimit në degë;
• Të ketë aftësi zhvilluese të biznesit dhe të arritjes së rezultateve;
• Të jetë i aftë të punojë me qetësi edhe në situatat nën presion;
• Të ketë njohuri të mira të gjuhës angleze.

Detyrat dhe përgjegjësitë kryesore:

• Të menaxhojë marrëdhëniet e bankës me biznesin në fushën e produkteve të kredive, depozitave, llogarive rrjedhëse, trasfertave, kartave të kreditit dhe debitit, SMS dhe E-banking dhe çdo produkt tjetër të ri të hedhur në treg nga banka;
• Të mirëpresë çdo klient biznesi që tregon interes për kreditë, duke e sqaruar e ndihmuar;
• Të grumbullojë dhe verifikojë informacionin rreth vërtetësisë së dokumentacionit të paraqitur nga klienti dhe të verifikojë biznesin e klientit;
• Të bëjë vlerësimin e situatës ekonomike dhe financiare të aktivitetit të klientit (të vetëpunësuarit) si dhe të korporatave;
• Të japë mendimin e tij të pavarur, në formën e një analize të shkruar bazuar në Manualin e Kreditit, për dhënien ose jo të huasë;
• Të ndjekë, menaxhojë dhe të jetë përgjegjës për kthimin e kredive brenda afatit;
• Të kujdeset për nënshkrimin e marrëveshjeve të pagave me Korporatat dhe / ose bizneset SME;
• Të pranojë dhe kontrollojë dokumentacionin e paraqitur nga bizneset për çeljen e llogarisë rrjedhëse për biznesin;
• Të ruajë dhe mirëmbajë dosjen e kredise dhe sekretin e çfarëdo informacioni që zotëron për bankën dhe klientët;
• Të veprojë si korrespondent i riskut operacional, duke siguruar bashkërendimin dhe monitorimin e detyrave që dalin nga rregulloret dhe politikat e riskut operacional për perimetrin e tij / saj brenda raportimit, ndjekjes dhe zbatimit të planeve të veprimit;
• Të ketë një rol proaktiv në zhvillimin dhe mirëmbajtjen e vazhdimësisë së biznesit të aktiviteteve kryesore nën përgjegjësinë e tij/saj.
• Të kryejë aktivitetin e agjentit në sigurime për produktet e klasave të jo-jetës duke zbatuar përgjegjësitë e mëposhtme:
  • Prezantimi tek klientët dhe shitja e produkteve të sigurimit për klasat e jo-jetës, në emër dhe për llogari të shoqërive të sigurimit me të cilat banka bashkëpunon;
  • Përgatitja dhe prerja e policës së sigurimit;
  • Nënshkrimi i kontratës së sigurimit si agjenti i bankës, dorëzimi te kompania sipas kërkesave të secilës kompani dhe arkivimi në bankë sipas rregullores.

Afati i fundit i aplikimeve është 29 Maj 2025