Përshkrimi

Qëllimi i pozicionit:

Roli i Inxhinierit Kostoist ka për detyrë të analizojë, kontrollojë dhe ndjekë kostot e projekteve të ndërtimit, të përgatisë situacionet mujore, preventivat dhe analizat teknike e financiare, si edhe të raportojë progresin e punimeve, me synim që projektet të realizohen brenda buxhetit, afateve dhe standardeve të përcaktuara.

Departamenti: Teknik

Vendndodhja: Zyrat Qendrore OBC

Detyrat

• Përpilon situacionet mujore të punimeve mbi bazën e të dhënave të dorëzuara nga Inxhinierët e Projektit dhe dokumentacionit përkatës, përfshirë Librezat e Masave.
• Bën ndarjen e punimeve të situacionuara sipas sasive dhe vlerës.
• Harton analiza çmimesh duke u mbështetur te normat faktike të realizuara në kantier, si edhe te norma të llogaritura nga përvoja dhe praktikat e kompanisë.
• Përgatit raporte javore dhe mujore që pasqyrojnë ecurinë teknike dhe performancën financiare të projekteve.
• Përpilon procesverbale për punët shtesë dhe për ndryshimet e kërkuara nga klientët jashtë kushteve të kontratës.
• Verifikon dhe regjistron volumet e realizuara në kantier, duke hartuar përmbledhje të punëve të kryera.
• Kryen analiza dhe kontroll të kostove për zërat e punimeve dhe aktivitetet e projektit.
• Harton norma pune dhe përllogarit kostot e materialeve, pajisjeve dhe burimeve të tjera sa herë që kërkohet.
• Ndjek progresin e punimeve në raport me grafikun e realizimit dhe planin e projektit.
• Përgatit preventivat për punime të planifikuara dhe të paparashikuara që duhen zbatuar gjatë zhvillimit të projektit.
• Kryen zbërthimin e preventivave të objektit dhe përcakton nevojat për materiale, fuqi punëtore dhe makineri.
• Harton analiza teknike për zërat e punës duke u bazuar në çmimet aktuale të materialeve, normat e punës dhe kostot operative.
• Bashkëpunon ngushtë me Departamentin Teknik, Menaxherët e Projekteve dhe Departamentin Financiar për ndjekjen dhe optimizimin e kostove.
• Evidenton devijimet nga buxheti dhe propozon masa korrigjuese për të përmirësuar performancën financiare të projektit.

Kualifikimet

• Diplomë Universitare në Fakultetin e Inxhinierisë së Ndërtimit, profili Inxhinieri Ndërtimi.
• Të paktën 2–3 vite përvojë pune në role të ngjashme në sektorin e ndërtimit.
• Njohuri shumë të mira të paketës Microsoft Office, veçanërisht Excel.
• Njohuri të mira të programit AutoCAD.
• Aftësi të forta analitike dhe numerike.
• Aftësi shumë të mira organizimi, komunikimi dhe bashkëpunimi në ekip.
• Aftësi për të punuar nën afate të shkurtra dhe për të menaxhuar disa detyra në të njëjtën kohë.
• Integritet profesional dhe kujdes i lartë ndaj detajeve.

Dokumentet e kërkuara

• CV
• Letra e motivimit