Përshkrimi

Ky rol ka për qëllim ruajtjen e cilësisë së portofolit të kredisë përmes mbledhjes së hershme dhe intensive të detyrimeve, si edhe administrimit të rasteve me vonesa. Theksi vendoset te rikthimi i pagesave në normalitet nëpërmjet komunikimit dhe negocimit me klientët.

Detyrat

• Menaxhon portofolin e rasteve në vonesë që i janë caktuar dhe punon për përmbushjen e objektivave mujore dhe vjetore duke negociuar marrëveshje pagese, si edhe duke propozuar rifinancim dhe/ose ristrukturim.
• Kujdeset që të dhënat e klientit, bashkëhuamarrësit dhe garantorëve të jenë të sakta, ndërsa përditëson vazhdimisht çdo ndryshim si në Procesverbalin e marrjes në dorëzim ashtu edhe në sistem.
• Zhvillon takime të rregullta dhe të shpeshta, në përputhje me strategjinë e miratuar, me klientët e portofolit të tij, duke ndërtuar dhe mbajtur marrëdhënie me ta dhe duke negociuar zgjidhje.
• Identifikon shkaqet e delinkuencës dhe paraqet alternativa efektive për zgjidhje.
• Negocion me klientët në vonesë për pagesën e kësteve.
• U sqaron klientëve, me telefon ose gjatë takimeve, pasojat e vonesave dhe u paraqet mundësi alternative për të stabilizuar gjendjen.
• Analizon gjendjen financiare aktuale të klientit dhe rekomandon ristrukturim ose riskedulim të kredisë.
• Ofron referenca me përgjegjësi për rastet që paraqiten në Komitet Kredie, kur disponon informacionin e nevojshëm.
• Zbaton saktë politikat dhe procedurat e Kompanisë që lidhen me ushtrimin e detyrave dhe përgjegjësive të pozicionit.

Kualifikimet

• Preferohet të ketë 2 vjet përvojë në veprimtari që lidhen me menaxhimin e kredive me probleme.
• Duhet të ketë aftësi të dëshmuara në negocim, aftësi të mira analitike dhe kapacitet për vendimmarrje.
• Kërkohen aftësi shumë të mira komunikimi, si në të folur, në të shkruar, ashtu edhe në dëgjim aktiv.
• Kërkohet profil me orientim të lartë drejt arritjes së objektivave.
• Nevojiten aftësi shumë të mira për analizimin e të ardhurave me qëllim vlerësimin e kapacitetit të klientit.
• Preferohet diplomë universitare në Financë, Ekonomi, Administrim Biznesi, Juridik ose fusha të tjera të ngjashme.

Dokumentet e kërkuara

• CV e përditësuar.
• Letër motivimi për pozicionin përkatës.