Përshkrimi

Ky pozicion mban përgjegjësi për administrimin e të gjithë ciklit të kreditimit për SME, duke përfshirë vlerësimin, aprovimin e kredive dhe menaxhimin e portofolit përkatës. Roli kërkon bashkëpunim të afërt me oficerët e kredisë në degë dhe me njësitë e tjera të institucionit, me synim respektimin e politikave të huadhënies dhe realizimin e objektivave të biznesit, përfshirë Departamentin e Riskut, Ligjorin, Operacionet dhe Marketingun.

Detyrat

• Gjen klientë potencialë, si individë ashtu edhe biznese që kërkojnë financim, dhe u ofron këshillim financiar. Organizon takime me ta për të rritur njohjen mbi produktet dhe kushtet e kreditimit, si dhe negocion e finalizon marrëveshjet e financimit për të përmbushur objektivat e shitjes për SME.
• Shqyrton kërkesat për kredi SME dhe verifikon që dokumentacioni i kredisë të jetë i plotë, në mënyrë që vlerësimi i riskut të bëhet në mënyrë të qartë. Analizon rreziqet që lidhen me aplikimin, duke marrë në konsideratë profilin e klientit, qëndrueshmërinë e biznesit, faktorët sezonalë, tregun dhe informacionin për sektorin përkatës, si edhe aftësinë e klientit për shlyerje.
• Garanton që të gjitha kontrollet e kërkuara nga procesi i kreditimit janë kryer për historikun e kredive të palëve dhe personave të lidhur, si dhe për dokumentacionin përkatës që përfshihet në propozimin për aprovim.
• Përgatit raportin financiar dhe propozimin e plotë të biznesit për shqyrtim në komitetin e kredisë, në përputhje me procedurat e kreditimit. Gjithashtu paraqet rastin në mbledhjet e komitetit, duke dhënë informacionin e nevojshëm për marrjen e vendimit përfundimtar.
• Ofron mbështetje për Drejtorin e Degës, Oficerët e Kredisë dhe të gjithë stafin e degës lidhur me procesin e vlerësimit të rasteve SME. Po ashtu siguron trajnim dhe coaching të vazhdueshëm për oficerët e kredisë, me qëllim ofrimin e një shërbimi të shpejtë dhe profesional për klientët potencialë dhe ekzistues.
• Mbikëqyr performancën e portofolit SME duke ndjekur ecurinë e pagesave dhe duke evidentuar në kohë sinjalet e para të vështirësive në ripagim.
• Kontribuon në hartimin dhe zbatimin e strategjive që synojnë përmirësimin e cilësisë së portofolit SME. Identifikon mundësi për cross-selling dhe up-selling të produkteve të tjera financiare të kompanisë, si dhe jep rekomandime për përmirësimin e produkteve dhe proceseve të kreditimit bazuar në reagimet e klientëve dhe oficerëve të kredisë.
• Kujdeset për mbledhjen dhe ruajtjen e informacionit mbi tregun dhe konkurrencën, në mënyrë që të ofrohet gjykim i dobishëm për vendimmarrjen e kompanisë.
• Siguron që mënyrat e punës të jenë në përputhje me kërkesat ligjore, rregullatore dhe me standardet e brendshme të pajtueshmërisë.
• Jep mbështetje në administrimin e marrëdhënieve me partnerë të jashtëm, si institucione financiare dhe shoqata biznesi, për të krijuar mundësi të reja bashkëpunimi.
• Raporton në mënyrë periodike te Drejtori i Shitjeve për ecurinë e portofolit, realizimin e objektivave dhe vështirësitë e hasura.

Kualifikimet

• Të paktën 5 vite përvojë në një rol shitjesh ose si analist kredie SE në një institucion financiar ose bankar.
• Aftësi shumë të mira për të tërhequr, administruar dhe zhvilluar marrëdhënie biznesi.
• Profil me orientim shumë të fortë drejt arritjes së objektivave.
• Aftësi të shkëlqyera në analizë financiare.
• Shkathtësi shumë të mira komunikimi verbal, me shkrim dhe në dëgjim aktiv.
• Aftësi të larta në trajnim.
• Gatishmëri për të udhëtuar jashtë Tiranës, përfshirë vizita të rregullta në degë dhe në terren.
• Diplomë universitare, preferohet në Kontabilitet, Financë, Ekonomi, Administrim Biznesi ose fusha të ngjashme.

Dokumentet e kërkuara

• CV e përditësuar.
• Letër motivimi për pozicionin përkatës.