Përshkrimi

Drejtori i Shitjeve për Segmentin Agro mban përgjegjësi për zgjerimin e portofolit agro të institucionit, për hedhjen në treg të produkteve dhe shërbimeve të reja, si edhe për garantimin që secili klient të përfitojë zgjidhje financiare që i sjellin vlerë biznesit të vet.

Fokusi kryesor:

1. Udhëheq shitjet dhe administrimin aktiv të strukturave përkatëse me përqendrim në sektorin agro;
2. Zhvillon lidhje me agrobiznese dhe fermerë në të gjithë Shqipërinë përmes zbatimit të planeve konkrete të rrjetëzimit;
3. Mban marrëdhënie me institucionet përkatëse vendase dhe ndërkombëtare për tërheqjen e skemave të ndryshme të garancive dhe financimeve me fokus në agrikulturë, green transition dhe efiçencë energjie.

Detyrat

• Strategjia e shitjeve: Përgatit dhe vë në zbatim plane shitjeje për realizimin e objektivave të segmentit agro, në bashkëpunim me rrjetin e shitjeve dhe me institucione të ndryshme lokale ose ndërkombëtare, si edhe krijon e ruan bashkëpunimin me institucionet vendase;
• Zgjerimi i portofolit: Zbulon mundësi të reja rrjetëzimi, sjell produkte të përshtatura dhe kontribuon në rritjen e shitjeve;
• Menaxhimi i klientëve: Krijon marrëdhënie të qëndrueshme, duke rritur kënaqësinë dhe besnikërinë e klientelës;
• Trajnimi në shitje: Mbështet ekipet e degëve në zhvillimin e aftësive të shitjes, duke i pajisur me teknika që ndihmojnë në mbylljen më efikase të marrëveshjeve;
• Performanca në shitje: Përmbush objektivat e shitjes, raporton rezultatet dhe ndërmerr masa korrigjuese për të siguruar realizimin e synimeve.

Kualifikimet

• Të paktën 5 vite përvojë në shitje në sektorin financiar/bankar, me fokus agro;
• Përvojë në drejtimin e ekipeve të shitjes dhe në lançimin e produkteve të reja;
• Aftësi të theksuara në analizën e kredisë dhe vlerësimin e rrezikut;
• Njohuri të avancuara mbi produktet agro dhe aftësi për të shitur koncepte komplekse;
• Diplomë universitare në Ekonomi, Administrim Biznesi, Agro ose në fusha të ngjashme.

Dokumentet e kërkuara

• CV e përditësuar;
• Letër motivimi për pozicionin përkatës.