Kjo shpallje ka skaduar dhe nuk pranon më aplikime.
Operues në Stacione Pompike (Komoran) (Alb/Srb)
Ndertimtari & InxhinieriDrenas1 muaj më parëFull Time
Konkurs publik
Për këtë shpallje kërkohet plotësimi i një (1) vendi pune për pozitën Operues në Stacione Pompike në NJ.P “Komoran”, me 1 të punësuar.
Vendi: Njësia Punuese “Komoran”
Ndërmarrja: Ndërmarrja Publike Hidroekonomike “Ibër Lepenc” Sh.A
Niveli i pagës: 330 poena
Detyrat dhe përgjegjësitë e punës
- Menaxhon pajisjet e stacionit pompik dhe realizon punët instaluese, mekanike dhe të agjystatorisë në kuadër të tij.
- Kujdeset për mirëmbajtjen e pajisjeve të pompave, merr pjesë në riparime dhe zbaton masat teknike të sigurisë në punë.
- Evidenton punën e stacioneve pompike në ditar dhe raporton me kohë për gjendjen, si edhe për nevojat lidhur me furnizimin me mjete dhe pjesë rezervë.
- Respekton udhëzimet teknike që sigurojnë funksionimin e rregullt të stabilimenteve në S.P.
- Mban përgjegjësi për sigurinë fizike të objekteve dhe stabilimenteve brenda S.P.
- Sipas nevojës, angazhohet edhe në stacione të tjera pompike brenda Ndërmarrjes.
- Kryen edhe detyra të tjera sipas kërkesës së udhëheqësit.
- Vepron në përputhje me udhëzimet teknike të shërbimit për mirëmbajtje elektromakinerike.
Aftësitë dhe kualifikimet
- Kërkohet së paku arsim i mesëm teknik në drejtimin elektro ose makineri, ose kualifikim profesional në njërin nga këto drejtime.
- Nevojitet së paku 1 vit përvojë pune profesionale.
- Duhet të ketë shkathtësi në komunikim, planifikim të punës dhe udhëheqje ekipi.
- Kërkohet aftësi për t’i përmbushur detyrat dhe punët edhe nën presion.
Dokumentacioni i kërkuar
- Formulari i aplikimit.
- CV e detajuar, me preferencë në formatin Europass.
- Kopje e letërnjoftimit ose e pasaportës.
- Letër motivimi me maksimum 500 fjalë.
- Kopje të noterizuara të diplomave që vërtetojnë kualifikimin arsimor.
- Diploma të nostrifikuara për kandidatët që i kanë përfunduar studimet jashtë vendit.
- Kopje të certifikatave të trajnimeve përkatëse.
- Dëshmi për përvojën e punës, përmes kontratës ose vërtetimit të lëshuar nga institucioni paraprak i punësimit, ku përcaktohen pozita dhe kohëzgjatja e angazhimit në atë pozitë.
- Certifikatë nga gjykata kompetente që vërteton se nuk zhvillohet procedurë penale dhe se kandidati nuk është i dënuar për ndonjë vepër penale, jo më e vjetër se 6 (gjashtë) muaj nga data e lëshimit.
Konkursi do të jetë i hapur për pesëmbëdhjetë (15) ditë kalendarike.
Afati i fundit është 03.09.2026 në ora 16:00h CET.