Mokne Group L.L.C. është një kompani e re prodhuese që ka nisur veprimtarinë në vitin 2022, me fokus kryesor në prodhimin dhe tregtimin e ujit natyral të ambalazhuar.

Emri Mokne vjen nga Bjeshkët e Istogut, zonë e njohur për burimet e shumta dhe cilësore të ujit. Ky identitet e frymëzon kompaninë që t’i ofrojë tregut vendor dhe atij të jashtëm ujë të këtij standardi.

Kompania vlerëson dhe shpërblen punonjësit që dallohen në punë, duke krijuar mundësi për zhvillim dhe ngritje profesionale brenda organizatës.

Nëse dëshironi të bëheni pjesë e një kompanie profesionale, dinamike dhe inovative, kjo është një mundësi për ju.

Lokacioni: Qagllavicë, Prishtinë

Pozita e punës: Shitës ambulantiv

Detyrat dhe përgjegjësitë kryesore:

• Zbaton planet e shitjes të përcaktuara nga menaxhmenti.
• Kryen vizita të rregullta sipas planeve të rrugëve të përcaktuara nga kompania.
• Koordinon pagesat e klientëve në bashkëpunim me menaxhmentin.
• Arrin targetet mujore të vendosura nga kompania.
• Mban marrëdhënie të sakta dhe profesionale me klientët ekzistues dhe me ata potencialë.
• Identifikon klientë të rinj potencialë.
• Kryen edhe detyra të tjera që caktohen nga mbikëqyrësi i drejtpërdrejtë.

Kualifikimet e kërkuara:

• Kandidatët duhet të kenë të përfunduar së paku shkollën e mesme.
• Kërkohet përvojë pune në shitje prej të paktën një viti.
• Kandidatët duhet të kenë aftësi shumë të mira komunikimi dhe të jenë të aftë të punojnë në ekip.
• Kërkohet patentë shoferi e kategorisë B.

Pse të zgjidhni Mokne Group L.L.C.?

Avancimi i karrierës: Kompania çmon talentin dhe përkushtimin e stafit të saj. Punonjësit që tregojnë rezultate të larta do të kenë mundësi të zhvillohen dhe të ecin përpara në karrierë brenda kompanisë.

Kompania ofron një rrugëtim të qartë dhe të strukturuar profesional, duke ju mundësuar të arrini nivele të reja në zhvillimin tuaj.

Pagat dhe benefitet: Ofron paga konkurruese dhe përfitime tërheqëse për të afruar, mbajtur dhe zhvilluar talentin më të mirë.

Zhvillimi profesional: Kompania mbështet mësimin e vazhdueshëm dhe rritjen personale përmes trajnimeve dhe seminareve që ndihmojnë në forcimin e aftësive dhe njohurive tuaja.

Ambienti inovativ i punës: Do të bëheni pjesë e një ekipi profesionistësh të përkushtuar ndaj një kulture bashkëpunuese. Kreativiteti, iniciativa dhe shkëmbimi i ideve inkurajohen për të mbështetur suksesin e kompanisë.