Ne e shohim marketingun si shumë më tepër sesa reklamim.

Për ne, ai nënkupton ndërtimin e besimit, krijimin e lidhjeve me konsumatorët dhe nxitjen e rritjes së biznesit. Pikërisht për këtë po kërkojmë një Menaxher/e Marketingu që synon të lërë ndikim të qëndrueshëm. Kërkojmë një person që dallon mundësi aty ku të tjerët shohin përditshmëri, që ndërthur kreativitetin me rezultate konkrete dhe që dëshiron të kontribuojë në një kompani me zhvillim të vazhdueshëm.

Çfarë do të bëni?

• Do të konceptoni ide dhe nisma që forcojnë markën tonë.
• Do të hartoni dhe do të bashkërendoni zbatimin e fushatave që kanë ndikim te konsumatori.
• Do të punoni ngushtë me ekipet e brendshme dhe menaxhmentin për zhvillimin e projekteve të reja.
• Do të koordinoni aktivitetet me partnerët e jashtëm të marketingut.
• Do të vlerësoni tregun, konkurrencën dhe hapësirat për zhvillim.
• Do t’i shndërroni idetë në rezultate të matshme.

Çfarë kërkojmë?

• Mendësi kreative dhe fokus të qartë te rezultatet.
• Gatishmëri për të sfiduar qasjet tradicionale të të menduarit.
• Aftësi për të dalluar mundësi dhe për t’i kthyer ato në iniciativa konkrete.
• Kuptim të biznesit dhe dëshirë për të sjellë ndikim.
• Vetë-iniciativë, përgjegjësi dhe qasje proaktive në punë.

Dokumentet e kërkuara

• CV.
• Një propozim i shkurtër me gjatësi maksimale 1 faqe ose një video me kohëzgjatje deri në 3 minuta.

Përtej përgjigjeve të përsosura, ne vlerësojmë njerëz që mendojnë ndryshe, marrin iniciativa dhe sjellin ndikim.

Nëse besoni se jeni personi i duhur, na e dëshmoni këtë përmes qasjes dhe ideve tuaja.