Shpallja e konkursit

Ministria e Shëndetësisë ka hapur konkurs publik për pozitën Mjek, me tri (3) vende pune në Njësinë Shëndetësore të Burgut në Dubravë.

Të dhënat kryesore

• Institucioni: Ministria e Shëndetësisë
• Pozita: Mjek, tri (3) pozita në Njësinë Shëndetësore të Burgut në Dubravë
• Orari i punës: Orar të plotë (40 orë në javë)
• Koeficienti: (H10-Cd – 8.40)
• Mbikëqyrësi i drejtpërdrejtë: Udhëheqësi i Njësisë Shëndetësore në Burg
• Kohëzgjatja e kontratës: Me afat të pacaktuar
• Nr. i Referencës: MSh-13/05/2026

Detyrat dhe përgjegjësitë

1. Të ushtrojë detyrën duke respektuar parimet e humanitetit dhe profesionalizmit.
2. Të punojë në bashkëpunim me stafin dhe menaxhmentin e institucionit.
3. Të zbatojë hierarkinë dhe veçoritë e institucionit, përfshirë rregulloret e posaçme, orarin e punës, sigurinë dhe rutinën.
4. Të jetë nën mbikëqyrje dhe t’i raportojë Udhëheqësit të Njësisë Shëndetësore të Burgjeve.
5. Të mbajë përgjegjësi të drejtpërdrejtë për shëndetin e të gjithë pacientëve pa dallim.
6. Të kujdeset për kushtet e jetesës së pacientëve në aspektin shëndetësor, duke përfshirë:
   • ujin, sa i përket cilësisë dhe sasisë;
   • ushqimin, në raport me cilësinë dhe vlerën kalorike;
   • higjienën personale dhe kolektive;
   • shëndetin mendor;
   • ambientin dhe kushtet e jetesës;
   • respektimin e të drejtave të njeriut;
   • ruajtjen e konfidencialitetit dhe sigurimin e kushteve për trajtim konfidencial.
7. Të garantojë zbatimin e standardeve optimale shëndetësore për:
   • staf të mjaftueshëm dhe profesional;
   • barna të përshtatshme dhe brenda afatit;
   • shpërndarje të rregullt dhe në kohë të barnave;
   • mundësimin e vizitave të pacientëve sipas prioriteteve të përcaktuara;
   • ndërhyrje në kohë në rastet urgjente;
   • dërgimin jashtë institucionit për trajtim të duhur kur brenda institucionit mungojnë kushtet dhe mundësitë;
   • respektimin e orarit të punës nga punëtorët e tij.
8. Të jetë përgjegjës për furnizimin e duhur dhe në kohë me barna dhe pajisje të tjera mjekësore.
9. Të veprojë si mbrojtës, mbikëqyrës dhe përfaqësues dinjitoz i stafit që drejton.
10. T’u përgjigjet me profesionalizëm dhe përgjegjësi kërkesave e sfidave të reja, duke treguar praktikë në punë dhe duke marrë përgjegjësi për shpërndarjen e mjaftueshme dhe të përshtatshme të stafit.
11. Të mbajë marrëdhënie të mira pune me drejtorinë e institucionit.
12. Të mbikëqyrë të gjitha pjesët përbërëse të institucionit në aspektin profesional dhe higjieniko-sanitar.

Kriteret e përgjithshme për pranim në detyrë, sipas nenit 9 të LZP-së

• Të jetë shtetas i Republikës së Kosovës.
• Të ketë zotësi të plotë për të vepruar, në përputhje me legjislacionin në fuqi.
• Të njohë së paku njërën nga gjuhët zyrtare, në pajtim me Ligjin për Gjuhët.
• Të jetë i aftë për ta ushtruar detyrën përkatëse.
• Të mos jetë i dënuar për kryerjen e një vepre penale me dashje.
• Të mos ketë masë disiplinore në fuqi për shkelje të rënda në institucion publik.
• Të ketë arsimimin, përvojën profesionale dhe/ose aftësitë që kërkohen për pozitën, kategorinë, klasën ose grupin përkatës.
• T’i kalojë me sukses procedurat e pranimit të përcaktuara me ligj.

Kërkesat e përgjithshme formale dhe specifike

• Arsimimi i kërkuar: Diplomë Universitare në Mjekësi të Përgjithshme.
• Kualifikime të posaçme formale: Licenca valide e punës.
• Përvoja e punës e kërkuar: Preferohet përvojë profesionale dhe specializime.

Njohuritë, aftësitë dhe cilësitë e kërkuara në procedurën e rekrutimit

• Njohje e sistemit shëndetësor të Kosovës.
• Njohje e legjislacionit shëndetësor dhe e standardeve përkatëse.
• Njohuri të mira për punë me kompjuter, përfshirë Microsoft Word dhe Excel.

Afati për pranimin e aplikacioneve

• Data e hapjes për aplikim: 22 / 05 / 2026
• Data e mbylljes së afatit për aplikim: 21 / 06 / 2026

Dokumentet e kërkuara

• Kopje e letërnjoftimit, pasaportës ose certifikatës së shtetësisë së Republikës së Kosovës.
• Kopje e diplomës së kërkuar sipas konkursit, e lëshuar nga institucionet arsimore të Republikës së Kosovës. Nëse diploma është marrë jashtë vendit, duhet të dorëzohet vërtetimi për nostrifikimin e saj ose akti që dëshmon se diploma është në procedurë të nostrifikimit, me kusht që nostrifikimi të paraqitet deri në momentin e nënshkrimit të aktit të emërimit në pozitë.
• Kopje e dëshmisë së punësimit (vërtetim ose kontratë) e lëshuar nga institucioni përkatës, ku përcaktohen pozita dhe kohëzgjatja e angazhimit. Përvoja e punës jashtë institucioneve publike duhet të mbështetet së paku me një nga këto dëshmi: pasqyra e pagesave në fondin e kursimeve pensionale ose pasqyra e pagesave të obligimeve tatimore në përputhje me legjislacionin tatimor për të ardhurat personale. Përvoja e fituar jashtë shtetit dëshmohet me dokument përkatës të përkthyer nga organi kompetent i atij shteti ose me dëshmi të përkthyer dhe të noterizuar nga punëdhënësi përkatës.
• Dëshmi për trajnime profesionale të ndjekura ose për trajnime të realizuara nga aplikuesi në cilësinë e trajnerit.
• Kopje të dokumenteve të tjera që vërtetojnë përmbushjen e kushteve të aplikimit të përcaktuara në shpalljen e rekrutimit dhe të deklaruara në aplikacion.

Mënyra e vlerësimit të kandidatëve/aplikantëve

• Testimi me shkrim – maksimumi 70 pikë
• Intervista – maksimumi 30 pikë