Titulli i punës: Instrumentist / Violonçel - Udhëheqës
Institucioni: Filharmonia e Kosovës
Kategoria funksionale: Krijues/e dhe performues/e i/e artit dhe kulturës - Drejtues/e i/e Ulët
Klasa e pozitës: K5
Koeficienti: 8.5
Nr. i kërkuar: 1
Kohëzgjatja e emërimit: Me afat të caktuar
Data e njoftimit: 03.04.2026
Afati për aplikim: 04.04.2026–03.05.2026
I përgjigjet: Drejtorit të Filharmonisë së Kosovës
Vendi: Prishtinë

Detyrat dhe përgjegjësitë:

Mbikëqyr dhe kujdeset për zhvillimin e seksionit të violonçelëve.
Interpreton në koncertet e Orkestrës së Filharmonisë së Kosovës.
Merr pjesë në provat e rregullta ditore në kohëzgjatje prej 4 orësh.
Kryen detyrat profesionale sipas pozicionimit në orkestër.
Paraprakisht përgatit/ushtron partin orkestral në shtëpi në kohëzgjatje prej 4 orësh.
Interpreton pjesë/parte solistike dhe kamertale sipas pozitës në orkestër.
Merr pjesë në realizimin e së paku 3 koncerteve gjatë muajit.
I nënshtrohet audicionit periodik sipas dispozitave ligjore.

Kriteret e përgjithshme për pranimin në detyrë të zyrtares/it publik:

Të jetë shtetasi i Republikës së Kosovës.
Të ketë zotësi të plotë veprimi, sipas legjislacionit në fuqi.
Të zotërojë të paktën njërën nga gjuhët zyrtare, në pajtim me Ligjin për Gjuhët.
Të jetë e/i aftë për të kryer detyrën përkatëse.
Të mos jetë e/i dënuar për kryerjen e veprës penale me dashje.
Të mos ketë në fuqi masë disiplinore për shkelje të rëndë në institucion publik.
Të ketë arsimin, përvojën e punës profesionale dhe/apo aftësitë e kërkuara për pozitën.
Të kalojë me sukses procedurat e pranimit të përcaktuara në ligj.

Kërkesat (Njohuritë, aftësitë dhe cilësitë) e përgjithshme të nevojshme:

Aftësi të avancuara profesionale në interpretimin instrumental, përfshirë leximin prima vista.
Përvojë të dëshmuar në interpretim orkestral (orkestra simfonike dhe/ose kamertale).
Aftësi të mira udhëheqjeje dhe bashkëpunimi në ansambël, veçanërisht në seksionin e violonçelëve; nivel i lartë i disiplinës dhe përgjegjësisë profesionale.
Njohuri të gjera të repertorit orkestral dhe aftësi për interpretim në stile të ndryshme muzikore.
Aftësi për të punuar me vetë iniciativë në kuadër të planeve dhe procedurave të përcaktuara.
Shkathtësi të mira të komunikimit, përfshirë aftësinë për të dhënë udhëzime dhe përcjellë informata tek të tjerët.
Shkathtësi kompjuterike në aplikacione të programeve (Word, Excel, PowerPoint).

Dokumentet që duhet të dorëzohen si pjesë e aplikimit:

Kopje e letërnjoftimit/pasaportës/certifikatës së shtetësisë së Republikës së Kosovës.
Kopje e diplomës së kërkuar me konkurs të lëshuar nga institucionet arsimore të Republikës së Kosovës. Nëse diploma është fituar jashtë vendit, vërtetimin e nostrifikimit të diplomës ose aktin që dëshmon se diploma është në procedurë të nostrifikimit, me kusht që nostrifikimi të dorëzohet para nënshkrimit të aktit për emërim.
Kopjet e dëshmisë së punësimit (vërtetim/kontratë) që përcakton pozitën dhe kohëzgjatjen e angazhimit. Dëshmitë e punësimit jashtë institucioneve publike duhet të mbështeten të paktën nga pasqyra e pagesave në fondin e kursimeve pensionale ose pasqyra e pagesave të obligimeve tatimore.
Dëshmi që nuk ka në fuqi masë disiplinore për shkelje të rëndë në institucion publik (për kandidatët që janë apo kanë qenë të punësuar në institucione publike).
Dëshmitë e trajnimeve profesionale të ndjekura ose trajnimeve që aplikuesi i ka realizuar si trajner.
Kopje e dokumenteve të tjera që provojnë plotësimin e kushteve për aplikim të deklaruara në shpallje.

Dëshmitë që nuk kërkohen gjatë aplikimit, por në fazën e verifikimit para emërimit:

Certifikatë mbi dënimet penale origjinale e lëshuar nga gjykata, jo më e vjetër se 6 muaj.
Dëshmi se kandidati është i aftë në pikëpamje shëndetësore.
Dëshmi përkatëse se kandidati ka zotësi të plotë për të vepruar.

Kërkesat e përgjithshme formale:

Arsimimi i kërkuar: Diplomë e arsimit të lartë, niveli i parë (Bachelor) – Fakulteti i Arteve, Drejtimi: Violonçel.
Kërkesat specifike: Certifikata/licenca kur kërkohen nga legjislacioni.
Përvoja e punës e kërkuar: Së paku tri (3) vite përvojë pune profesionale.

Përgatitja e Programit:
Raundi i Parë:
SOLO

Ekspozicioni i kohës së parë (pa kadencë) nga:
- Haydn, Koncerti nr. 1 në C, Hob. VIIb/1
- Haydn, Koncerti nr. 2 në D, Hob. VIIb/2
  ose koncert klasik me vështirësi të ngjashme.
Një Prelud nga cilado prej 6 Suitave për violonçel solo të Bach-ut, BWV 1007–1012.

FRAGMENTE ORKESTRALE
Solo:

Brahms, Koncerti për Piano nr. 2, koha III—taktet 1–20.
Suppé, Mëngjes, Mesditë dhe Mbrëmje në Vjenë, Uverturë—taktet 14–45.

Tutti:

Beethoven, Simfonia nr. 5, koha II—taktet 1–10, 49–60, 98–106.
Brahms, Simfonia nr. 2, koha II—taktet 1–15.
Debussy, La Mer, koha I—2 takte para Reh. 9 deri 6 takte pas Reh. 9.
Mendelssohn, Ëndrra e një nate vere, Scherzo—Reh.N–O.
Sibelius, Simfonia nr. 3, koha I—Reh. 3 deri 2 takte pas Reh. 4.
Tchaikovsky, Simfonia nr. 6, koha II—taktet 1–25.

A VISTA
Linku për shkarkim: https://bit.ly/3PFP1yc

Raundi i Dytë:
SOLO (me pianist përcjellës)

Koha e parë e plotë nga një prej këtyre koncerteve:
- Dvořák, Koncerti në h-mol, Op. 104
- Elgar, Koncerti në e-mol, Op. 85
- Saint-Saëns, Koncerti nr. 1 në a-mol, Op. 33
- Schumann, Koncerti në a-mol, Op. 129
  ose koncert romantik/bashkëkohor me vështirësi të ngjashme.

Shënime:

Partiturat e koncerteve solo të përzgjedhura duhet të sjellen nga kandidati në ditën e audicioneve.
Partiturat e fragmenteve orkestrale do të printohen nga Filharmonia e Kosovës në ditën e audicionit.
Materiali për “a vista” do të përzgjedhet nga komisioni.
Pianisti përcjellës sigurohet nga Filharmonia e Kosovës në rast se kandidati nuk ka një të tillë.

Procedura e konkurrimit: Konkursi është i hapur për të gjithë kandidatët e interesuar; përzgjedhja bëhet përmes procedurës së audicionit.

Informata e përgjithshme: Konkursi publikohet në faqen e procedurave të konkurimit dhe në webfaqen e Ministrisë së Kulturës, Rinisë dhe Sportit. Ministria ofron mundësi të barabarta punësimi dhe mirëpret aplikacionet nga të gjithë shtetasit e Kosovës, përfshirë komunitetet jo shumicë dhe personat me aftësi të kufizuara.