Konkurs i jashtëm për rekrutimin e stafit akademik

Kolegji Publik Ndërkombëtar i Biznesit në Mitrovicë (IBCM), në mbështetje të dispozitave ligjore dhe rregulloreve të brendshme për rekrutimin e stafit akademik dhe administrativ, shpall konkurs për pranimin e stafit akademik.

• Vendi i punës: Ligjërues në Inxhinieri të Informacionit dhe Komunikimit
• Pozita: Akademike
• Kohëzgjatja e kontratës: Tri (3) vjet me mundësi vazhdimi
• Numri i pozitave: 1
• Periudha provuese: N/A
• Angazhimi: Orar i plotë (40 orë në javë)
• Mbikëqyrja: Dekani i Fakultetit të Mjedisit, Teknologjisë dhe IT-së

Edukimi

• Kërkohet diplomë Masteri në Inxhinieri Informacioni dhe Komunikimi.

Mësimdhënia dhe përvoja akademike

• Kërkohet përvojë e dëshmuar në mësimdhënie dhe në hartimin e kurrikulës, me përparësi në nivelin pasuniversitar.
• Nevojiten së paku pesë (5) vjet përvojë në industri të lidhur me IT-në.
• Kërkohet angazhim në kërkime shkencore që lidhen me shkencën mjedisore.
• Kandidati duhet të ketë aftësi për mentorimin e studentëve, sidomos në kërkim të aplikuar dhe multidisiplinor.

Aftësitë dhe kompetencat

• Kërkohen shkathtësi shumë të mira ndërpersonale dhe komunikuese për bashkëpunim efikas me një komunitet të larmishëm studentësh dhe me stafin akademik.
• Nevojitet aftësi për punë praktike laboratorike, zhvillim bashkëpunues të projekteve dhe zbatim të teknologjive, mjeteve dhe praktikave më të mira bashkëkohore në IT.
• Kërkohet njohje e avancuar e gjuhës angleze, si në të folur ashtu edhe në të shkruar, në nivel akademik.
• Kërkohet përkushtim për avancimin e barazisë dhe përfshirjes në kuadër të kurrikulës dhe përmes angazhimit në komunitet.

Kushtet e përgjithshme për pranimin e stafit akademik

1. Kandidati duhet t’i plotësojë kërkesat që lidhen me arritjet arsimore dhe akademike.
2. Duhet t’i përmbushë kushtet që kanë të bëjnë me mësimdhënien dhe përvojën akademike.
3. Kërkohet nivel i lartë i gjuhës angleze, në formë të shkruar dhe të folur.
4. Duhet të ketë njohuri të njërës prej gjuhëve zyrtare, në përputhje me Ligjin për Gjuhët.
5. Nuk duhet të jetë dënuar me vendim përfundimtar të gjykatës për vepër penale me dashje.
6. Nuk duhet të jetë aktualisht nën masë disiplinore për largim nga një pozitë zyrtare publike dhe as të jetë pushuar nga puna në kundërshtim me ligjin. Kandidatët e punësuar duhet të paraqesin vërtetim nga punëdhënësi, ndërsa kandidatët e papunësuar duhet të dorëzojnë vetëdeklarim me shkrim.

Dokumentet e kërkuara

• Letër e shprehjes së interesit, e nënshkruar
• Diploma, në kopje të noterizuara
• Për diplomat ose gradat e fituara jashtë vendit në institucion të akredituar të arsimit të lartë, vendimi i Ministrisë së Arsimit për njohjen e diplomës, në kopje të noterizuar
• Dëshmi për përvojën e punës, akademike dhe profesionale, sipas kritereve të publikuara
• Dëshmi për njohjen e gjuhës angleze
• CV (biografi)
• Certifikatë lindjeje
• Kopje e letërnjoftimit
• Certifikatë penale si dëshmi që kandidati nuk është nën hetim
• Vërtetim nga punëdhënësi i mëparshëm lidhur me masën disiplinore për shkarkim nga një pozitë zyrtare publike, sipas pikës 6 të kushteve të përgjithshme
• Dokumentacion shtesë sipas vlerësimit të kandidatit për pozitën përkatëse, siç janë certifikatat dhe dokumente të ngjashme

Kriteret e përgjithshme dhe procedurat e vlerësimit

Të gjithë qytetarët e Kosovës që i përmbushin kriteret e përcaktuara në këtë konkurs kanë të drejtë të jenë pjesë e procesit.

Pranimi bazohet në meritë, pasi kandidatët i nënshtrohen procedurës së përzgjedhjes të përcaktuar sipas legjislacionit në fuqi, Rregullores për Rekrutimin e Stafit Akademik dhe Administrativ, Statutit të IBCM-së dhe këtij konkursi.

Procesi i vlerësimit zhvillohet në dy faza:

• Në fazën e parë bëhet verifikimi preliminar nga njësia përgjegjëse për të përcaktuar nëse kandidatët i plotësojnë kriteret e përgjithshme dhe specifike të konkursit. Në bazë të kësaj faze hartohet lista e kandidatëve që e kalojnë fazën e parë dhe ftohen në fazën e dytë.
• Kandidatët e përzgjedhur në listën e ngushtë vlerësohen nga komisioni profesional i përzgjedhjes për njohuritë dhe kualifikimet profesionale, duke përfshirë një mësim demonstrues dhe një intervistë. Vlerësimi zhvillohet në gjuhën angleze.

Pasi kandidatët t’i kenë përmbushur të gjitha kriteret e fazës së parë, vlerësimi nga komisioni përfshin:

• 50% të pikëve për vlerësimin e orës demonstrative të mësimit
• 50% të pikëve nga intervista e zhvilluar nga komisioni profesional i vlerësimit

Kandidatët duhet të arrijnë së paku 30% të pikëve nga intervista me gojë dhe 30% të pikëve nga prezantimi i orës demonstrative, përkatësisht mbi 60% nga 100% në total, në mënyrë që të kualifikohen për procedurën përfundimtare të përzgjedhjes.

Kandidati që grumbullon numrin më të lartë të pikëve do të shpallet fitues i rekrutimit.