1 pozitë e hapur

Kompania po kërkon një kandidat për pozitën Menaxher i Depos së Pjesëve të Automjeteve, i cili do të mbajë përgjegjësi për administrimin e përgjithshëm të depos, organizimin e stokut, vlerësimin e nevojave për furnizim, hartimin e porosive dhe bashkërendimin me Menaxherin e Pas Shitjes për të siguruar pjesët e nevojshme për servis, limari dhe kërkesa të tjera operative.

Kjo pozitë kërkon nivel të lartë përgjegjësie, saktësi në punë, njohuri mbi pjesët e automjeteve, aftësi analitike dhe organizative, si edhe bashkëpunim të vazhdueshëm me ekipin e pas shitjes dhe departamentet teknike.

Detyrat dhe përgjegjësitë

• Udhëheqja e përditshme e depos së pjesëve të automjeteve.
• Pranimi, verifikimi, sistemimi dhe regjistrimi i pjesëve që hyjnë në depo.
• Vendosja e pjesëve në mënyrë të rregullt, funksionale dhe lehtësisht të qasshme për përdorim.
• Mirëmbajtja dhe përditësimi i të dhënave të sakta mbi stokun e pjesëve.
• Shqyrtimi i porosive të kaluara dhe i lëvizjeve të stokut për të përcaktuar nevojat për furnizim.
• Hartimi i porosive të reja për pjesë në bashkëpunim me Menaxherin e Pas Shitjes.
• Monitorimi i pjesëve me kërkesën më të lartë dhe sigurimi që stoku të përputhet me nevojat e servisit dhe limarisë.
• Bashkëpunimi me ekipin e servisit dhe limarisë për të identifikuar pjesët e nevojshme për riparim dhe mirëmbajtje.
• Përgatitja dhe shpërndarja e pjesëve sipas kërkesave të brendshme nga servisi, limaria ose departamente të tjera.
• Koordinimi me furnitorët ose me njësitë përkatëse lidhur me afatet e porosive dhe disponueshmërinë e pjesëve.
• Raportimi i mungesave, dëmtimeve, mospërputhjeve ose vonesave që lidhen me pjesët.
• Mbikëqyrja dhe organizimi i stafit të logjistikës dhe depos.
• Kujdesi për rendin, sigurinë dhe pastërtinë në hapësirat e depos.
• Garantimi që proceset e punës në depo të zhvillohen në mënyrë efikase, të saktë dhe profesionale.

Kualifikimet e kërkuara

• Së paku 1 vit përvojë pune në depo, logjistikë, pjesë të automjeteve ose në një rol të ngjashëm.
• Njohuri për pjesë të automjeteve.
• Aftësi për analizimin e stokut, porosive dhe kërkesave për furnizim.
• Shkathtësi të mira organizative dhe menaxheriale.
• Aftësi për të punuar si në mënyrë të pavarur, ashtu edhe në ekip.
• Aftësi të mira komunikimi dhe bashkëpunimi me departamente të tjera.
• Ndjenjë e lartë përgjegjësie, saktësi dhe vëmendje ndaj detajeve.
• Njohuri bazike për përdorimin e kompjuterit, MS Office, email dhe programeve për evidentimin e stokut.
• Të posedojë Patent shofer (Kategoria B).

Çfarë ofrojmë

• Pagë konkurruese në treg.
• Kontratë pune afatgjatë.
• Mundësi për avancim dhe zhvillim profesional.
• Pushim vjetor në përputhje me ligjet në fuqi të Republikës së Kosovës.
• Ambient pune të mirë, profesional dhe bashkëpunues.
• Mundësi për t'u bërë pjesë e një ekipi serioz në industrinë automobilistike.