Përshkrimi

Roli i Account Manager shërben si pika kryesore lidhëse mes MATILPRO shpk dhe klientëve të saj, duke garantuar komunikim të rregullt, efikas dhe profesional përgjatë gjithë procesit të porosisë, nga pranimi i kërkesës deri te dorëzimi i produktit përfundimtar sipas standardeve të përcaktuara.

Detyrat

Administrimi i porosive

• Pranon dhe regjistron porositë e klientëve me saktësi dhe brenda afateve të nevojshme.
• Kontrollon elementet teknike të secilës porosi, përfshirë sasinë, specifikimet dhe afatet e dorëzimit.
• Bashkërendon me departamentin e prodhimit për planifikimin korrekt të porosive.
• Monitoron ecurinë e çdo porosie nga nisja e procesit deri në dorëzim.

Bashkëpunimi me magazinën dhe prodhimin

• Konfirmon, në koordinim me magazinën, disponueshmërinë e lëndës së parë sipas planit të prodhimit.
• Njofton menjëherë për çdo mungesë të lëndës së parë dhe ndjek zgjidhjen me njësinë përkatëse.
• Kujdeset që skedat teknike të produktit të jenë të plota dhe të kuptueshme përpara nisjes së prodhimit.
• Mbikëqyr respektimin e afateve të prodhimit dhe sinjalizon çdo vonesë të mundshme.

Kontrolli i cilësisë

• Verifikon që produktet e klientëve prodhohen në përputhje me skedat teknike të aprovuara.
• Kontrollon cilësinë e produkteve të përfunduara sipas kërkesave dhe standardeve të veçanta të secilit klient.
• Punon ngushtë me departamentin e kontrollit të cilësisë për të zgjidhur çdo mospërputhje.
• Regjistron dhe raporton reklamimet e klientëve, duke ndjekur zgjidhjen e tyre deri në përfundim.

Komunikimi dhe marrëdhëniet me klientët

• Vepron si kontakti kryesor për klientët që i janë caktuar në portofol.
• I përgjigjet kërkesave, pyetjeve dhe ankesave të klientëve brenda afateve të përcaktuara.
• Mban komunikim proaktiv me klientët për t’i informuar mbi statusin e porosive.
• Krijon dhe ruan marrëdhënie profesionale afatgjata me klientët ekzistues.

Raportimi dhe dokumentimi

• Mban të përditësuara të dhënat e klientëve dhe porosive në sistemin e kompanisë.
• Harton raporte periodike mbi statusin e porosive, problematikat dhe performancën e klientëve.
• Informon eprorin e drejtpërdrejtë për çdo çështje që kërkon ndërhyrje në nivel më të lartë.

Kualifikimet

Arsimi & Përvoja

• Kërkohet arsim i lartë, preferueshëm në Inxhinieri Tekstili, Ekonomi, Administrim Biznesi ose në një fushë të ngjashme.
• Nevojiten minimum 2–3 vjet përvojë në një rol të ngjashëm, me përparësi përvojën në industrinë e tekstilit.
• Kërkohen njohuri të qëndrueshme mbi proceset e prodhimit tekstil dhe standardet e cilësisë.

Aftësitë teknike

• Duhet të ketë njohuri të mira për produktet e tekstilit shtëpiak, si çarçafë, jastëkë dhe jorganë.
• Kërkohet aftësi për të lexuar dhe interpretuar skeda teknike të produktit.
• Nevojiten njohuri të mira të MS Office, përfshirë Excel, Word dhe Outlook.
• Njohja e programeve ERP/CRM konsiderohet avantazh.

Aftësitë e buta (Soft Skills)

• Kërkohet komunikim shumë i mirë me gojë dhe me shkrim në gjuhen angleze, ndërsa gjuha italiane përbën avantazh.
• Duhet të ketë aftësi të forta organizative dhe kapacitet për menaxhimin e disa detyrave në të njëjtën kohë.
• Kërkohet orientim i lartë ndaj klientit dhe zgjidhjes së problemeve.
• Nevojiten aftësi për negocim dhe ndërtim marrëdhëniesh.
• Vlerësohen puna në grup dhe qasja proaktive.