Inxhinier Mekanik

Përshkrimi: Inxhinieri Mekanik është përgjegjës për projektimin, mbikëqyrjen dhe zbatimin e sistemeve mekanike në objekt, si sistemet HVAC (ngrohje, ventilim dhe ajër i kondicionuar), instalimet hidraulike dhe sistemet e tjera teknike. Ai siguron që të gjitha instalimet të realizohen sipas projektit, standardeve teknike dhe kërkesave funksionale të objektit.

Detyrat:

• Kontrollon përputhshmërinë e vizatimeve MEP me projektin arkitektonik dhe strukturor (kalimet e tubacioneve/kanaleve, hapjet, lartësitë e tavaneve, koordinimi me elementet strukturore)
• Verifikon në kantier që instalimet mekanike (HVAC, tubacione, pajisje) zbatohen sipas projektit dhe nuk krijojnë konflikte me strukturën dhe arkitekturën, duke koordinuar çdo ndryshim të nevojshëm me disiplinat përkatëse
• Mbikëqyr instalimin e sistemeve mekanike në kantier
• Siguron zbatimin korrekt të projekteve mekanike
• Koordinon punën me inxhinierët e disiplinave të tjera dhe ekipet në terren
• Kontrollon cilësinë e materialeve dhe të instalimeve
• Ndjek progresin e punimeve dhe përputhshmërinë me afatet
• Identifikon dhe zgjidh problematika teknike gjatë zbatimit
• Merr pjesë në testimin dhe vënien në punë të sistemeve

Kualifikimet:

• Diplomë në Inxhinieri Mekanike
• Njohuri të sistemeve HVAC, hidraulike dhe instalimeve teknike
• Aftësi në leximin dhe interpretimin e projekteve mekanike
• Njohuri në programe teknike (AutoCAD, ose të ngjashme)
• Aftësi të mira organizimi dhe komunikimi
• Përvojë në kantier (Avantazh)

Dokumentet e kërkuara:

• CV

Shënime:

• Vetem kandidatët e përzgjedhur do të kontaktohen.
• Të gjithë aplikimet do të trajtohen me konfidencialitet sipas ligjit Nr. 9887 të vendosur nga Parlamenti i Shqipërisë mbi “Mbrojtjen e të dhënave personale”.