Përshkrimi

Kjo pozitë merret me bashkërendimin dhe mbikëqyrjen e proceseve të blerjes, duke garantuar që planet, kontratat, raportimet dhe auditimet të zbatohen në përputhje me procedurat e brendshme dhe afatet e vendosura. Roli përqendrohet te kontrolli, zhvillimi dhe mirëmbajtja e strukturave të negocimit, ndjekja e planeve mujore, raportimi i jokonformiteteve, si dhe mbështetja e menaxhimit gjatë auditimeve dhe në raportet me furnitorët strategjikë.

Detyrat

• Planifikim & Koordinim

• Harton, përmirëson dhe mban të përditësuar strukturën e negocimit me furnitorët.

• Verifikon planet mujore për të gjitha produktet, përfshirë trade, alkool, ambalazhe dhe materiale ndihmëse, si edhe ndjek realizimin e tyre sipas afateve të përcaktuara.

• Raporton çdo ditë për raportin OOS (Out of Stock) dhe për veprimet e ndërmarra për eliminimin e këtyre rasteve.

• Monitoron fashat e rritura të prodhimit dhe të blerjes, duke njoftuar furnitorët për çdo ndryshim që ndodh.

• Financë & Doganë

• Mbikëqyr veprimet financiare të pagesave sipas raporteve të blerjeve dhe sinjalizon çdo devijim të konstatuar.

• Ndjek proceset doganore vetëm nga këndvështrimi i kontrollit dhe verifikimit të përputhshmërisë së dokumentacionit.

• Kontrollon inventarin e pullave fiskale, duke siguruar përputhjen me regjistrin dhe rakordimet përkatëse.

• Kontrata & Auditim

• Administron regjistrin e kontratave duke monitoruar afatet e skadencës dhe detyrimet që lidhen me to.

• Shqyrton kontratat ekzistuese mbi bazën e problematikave të evidentuara dhe propozon ndryshime për t’i forcuar ato.

• Përgatit planin vjetor të auditimit për furnitorët kyç dhe bashkërendon zbatimin e tij.

• Performanca e Furnitorëve

• Ndjek raportin mujor të vlerësimit të furnitorëve dhe ia paraqet Menaxherit të Operacioneve.

• Analizon jokonformitetet mujore, merr masa korrigjuese dhe siguron mbylljen e tyre së bashku me furnitorët.

• Mbikëqyr magazinat e kthimit të furnitorëve për produkte të dëmtuara, jo konforme ose të destinuara për riciklim.

• Identifikon furnitorë të rinj në tregun global, duke organizuar kërkimet në harta dhe databaza për furnitorë strategjikë.

• Logjistikë & Back-up

• Ofron mbështetje si back-up për organizimin e transportit të furnitorëve kur paraqitet nevoja.

• Përgatit raportin mujor të transporteve, ndjek ecurinë e tij dhe ia raporton menaxhimit.

• Zhvillon marrëdhënie afatgjata me furnitorët kryesorë të ambalazheve dhe transportit.

• Negocion kushte sa më të favorshme për pagesën, çmimin dhe shërbimin.

• Përgatit dokumentacionin dhe merr pjesë në proceset tenderuese për transport dhe ambalazhe.

• Harton Scorecard-in për furnitorët mbi bazën e treguesve si dorëzimet në kohë, cilësia e produkteve, fleksibiliteti ndaj ndryshimeve dhe stabiliteti i çmimit.

• E përditëson scorecard-in çdo muaj dhe raporton rezultatet e tij.

• Bashkëpunon me departamentet e cilësisë, teknikës, prodhimit dhe logjistikës për të marrë inpute shtesë.

• Raportimi & Koordinimi Ndër-departamental

• Raporton çdo muaj mbi objektivat e kursimeve dhe uljen e kostove.

• Raporton jokonformitetet e furnitorëve dhe masat që janë ndërmarrë.

• Mban komunikim të vazhdueshëm me departamentin e prodhimit dhe logjistikës për planifikimin e ambalazheve.

• Përgatit raporte periodike për Menaxherin e Blerjeve.

Kualifikimet

• Diplomë Bachelor ose Master në Menaxhim, Financë, Ekonomi ose Inxhinieri Industriale.
• Të paktën 2-3 vite përvojë në fushën e prokurimeve, logjistikës ose koordinimit të projekteve.
• Njohuri për proceset e blerjes, kontratat, auditimet dhe vlerësimin e furnitorëve.
• Aftësi shumë të mira në analizë dhe raportim.
• Njohuri të mira mbi proceset doganore dhe fiskale.
• Aftësi të mira komunikimi dhe negocimi.
• Përdorim i avancuar i Excel, NAV/ERP dhe mjeteve të tjera të raportimit.
• Vëmendje e lartë ndaj detajeve dhe aftësi për të punuar nën presion me afate të shkurtra.