Përshkrimi

“KOSMONTE FOODS TIRANA” sh.p.k është një kompani e njohur në treg që vepron në importin dhe shpërndarjen e produkteve ushqimore në Shqipëri, Kosovë, Gjermani dhe Dubai. Kompania ofron punësim të qëndrueshëm, brenda dhe jashtë vendit, me kontratë afatgjatë, si edhe shpërblime e bonuse që varen nga performanca dhe arritjet. Si rezultat i zgjerimit të vazhdueshëm, ajo po kërkon kandidatë të rinj, energjikë dhe me ambicie për zhvillim profesional.

Kompania ka hapur konkurs për pozitën Menaxher Key Account.

Detyrat

• Të realizojë vizita të rregullta në pikat e shitjes të përcaktuara nga Supervizori i shitjeve.
• Të kontrollojë dhe të mbikëqyrë produktet e kompanisë në pikat e shitjes.
• Të marrë porositë nga pikat shitëse dhe t’i përcjellë menjëherë në magazinën qendrore.
• Të ndjekë vazhdimisht gjendjen në pikat shitëse, me qëllim që të mos krijohen mungesa produktesh në asnjë moment.
• Të analizojë sasinë e porosive për të shmangur si mungesat, ashtu edhe tejngarkesën me produkte.
• Të reagojë dhe të ofrojë zgjidhje për çdo zhvillim negativ në pikat shitëse që mund të ndikojë keq te produktet e kompanisë ose te imazhi i saj në treg.
• Të raportojë mbi situatën e tregut, sidomos për mallrat e konkurrencës, si edhe për çdo vërejtje apo sugjerim të ardhur nga blerësit.
• Të mbajë evidencë të përditshme për punën në terren, të referojë vështirësitë e mundshme dhe të propozojë masa konkrete për raste të caktuara.
• T’u prezantojë produktet e reja të gjithë klientëve që viziton.
• Të ndjekë afatet e skadencës së produkteve në markete, veçanërisht për artikujt për të cilët është kontraktuar kthimi, si dhe të shqyrtojë mundësinë e shpërndarjes së këtij malli.
• Të zhvillojë dhe të ruajë marrëdhënie të mira me klientët.
• Të angazhohet në shtimin dhe zgjerimin e vazhdueshëm të bazës së klientëve.

Kualifikimet

• Të ketë arsim të lartë, preferohet Fakulteti ekonomik.
• Të ketë përvojë të ngjashme në fushën e shpërndarjes dhe distribucionit në tregun shqiptar.
• Të posedojë leje drejtimi automjeti.

Kandidati duhet të respektojë këto kërkesa:

• Të tregojë korrektësi dhe disiplinë në menaxhimin e produkteve të kompanisë.
• Të ketë aftësi të mira komunikimi.
• Të zotërojë aftësi të mira në shitje dhe negocim.
• Të dijë të menaxhojë kohën gjatë punës në terren.
• Të ketë aftësi të mira organizative për zgjidhjen e situatave të ndryshme në treg.
• Të tregojë përkushtim maksimal gjatë orarit të punës.
• Të dallohet për ndershmëri, integritet dhe korrektësi.
• Të ketë aftësi organizative dhe të kontribuojë me ide të reja.
• Të ecë në të njëjtën linjë me objektivat dhe synimet e kompanisë.
• Të ruajë konfidencialitetin dhe të mbajë etikë të lartë profesionale.

Ky përshkrim i punës nuk i përfshin domosdoshmërisht të gjitha përgjegjësitë. Punëmarrësi mund të angazhohet edhe në detyra të tjera, sipas nevojave të kompanisë.