Përshkrimi

“KOSMONTE FOODS TIRANA” sh.p.k është një kompani udhëheqëse në treg që vepron në importin dhe shpërndarjen e produkteve ushqimore në Shqipëri, Kosovë, Gjermani dhe Dubai. Kompania ofron punësim të rregullt si brenda ashtu edhe jashtë vendit, me stabilitet, kontratë afatgjatë, si edhe shpërblime e bonuse që varen nga performanca dhe arritjet. Si rezultat i zgjerimit të vazhdueshëm, ajo po kërkon staf të ri, energjik dhe të motivuar për zhvillim profesional.

Kompania ka hapur konkurs për pozitën Menaxher Key Account.

Detyrat

• Të kryejë vizita të rregullta në pikat e shitjes që përcaktohen nga Supervizori i shitjes.
• Të monitorojë dhe të kontrollojë produktet e kompanisë në pikat e shitjes.
• Të marrë porositë nga pikat shitëse dhe t’i përcjellë menjëherë në Magzinen qendrore.
• Të mbikëqyrë vazhdimisht pikat shitëse, me qëllim që produktet të mos mungojnë në asnjë kohë.
• Të analizojë sasinë e porosive për të shmangur si mungesat, ashtu edhe tepricat e produkteve.
• Të reagojë dhe të ofrojë zgjidhje për çdo zhvillim negativ në pikat shitëse që mund të ndikojë keq te produktet e kompanisë ose te imazhi i saj në treg.
• Të raportojë mbi situatën e tregut, veçanërisht për mallrat e konkurrentëve, si edhe për çdo vërejtje apo sugjerim që vjen nga blerësit.
• Të mbajë evidencë të përditshme për aktivitetin në terren, të referojë vështirësitë e mundshme dhe të propozojë masa konkrete për rastet përkatëse.
• T’u prezantojë produkte të reja të gjithë klientëve që viziton.
• Të ndjekë afatet e skadimit të produkteve në markete, sidomos për artikujt për të cilët është kontraktuar kthimi, si dhe të shqyrtojë mundësinë e shpërndarjes së këtij malli.
• Të zhvillojë dhe të ruajë marrëdhënie të qëndrueshme me klientët.
• Të angazhohet në rekrutimin dhe zgjerimin e vazhdueshëm të bazës së klientëve.

Kualifikimet

• Të ketë arsim të lartë, në mënyrë të veçantë Fakulteti ekonomik.
• Të zotërojë përvojë të ngjashme në fushën e shpërndarjes dhe distribucionit në tregun shqiptar.
• Të ketë leje drejtimi automjeti.

Kandidati duhet të respektojë këto kërkesa:

• Të tregojë korrektësi dhe disiplinë në menaxhimin e produkteve të Kompanisë.
• Të ketë aftësi të mira në komunikim.
• Të zotërojë shkathtësi të mira në shitje dhe negocim.
• Të jetë i aftë të menaxhojë kohën gjatë punës në terren.
• Të ketë aftësi të mira organizative për zgjidhjen e situatave të ndryshme në treg.
• Të tregojë përkushtim maksimal gjatë orarit të punës.
• Të dallohet për ndershmëri, integritet dhe korrektësi.
• Të ketë aftësi organizative dhe të kontribuojë me ide të reja.
• Të punojë në përputhje me objektivat dhe synimet e kompanisë.
• Të ruajë konfidencialitetin dhe të mbajë standarde të larta etike profesionale.

Përshkrimi i punës nuk është gjithëpërfshirës dhe punëmarrësi mund të ngarkohet edhe me detyra të tjera, sipas nevojave të kompanisë.