KosInvest hap konkurs pune për pozitën:

Zyrtar Kreditor Junior për Prishtinë (një pozicion)

KosInvest Institucion Mikrofinanciar i licencuar nga Banka Qendrore e Kosovës, si pjesë e grupit Vision Fund International, që operon në 28 shtete të botës, përmes kredive është i angazhuar në “Përmirësimin e jetesës së familjeve me të hyra të ulta dhe përkrahje të projekteve zhvillmore të komuniteteve me qëllim të rritjes së mirëqenies ekonomike të këtyre kategorive”.

Përgjegjësitë kryesore për pozitën Zyrtar/e Kreditor/e Junior:

• Identifikimi, kontaktimi dhe vizitimi i klientëve potencialë në terren, duke promovuar produktet e KosInvest.
• Mbledhja e dokumentacionit të nevojshëm dhe asistimi i aplikantëve gjatë procesit të aplikimit për kredi.
• Kryerja e analizave financiare dhe vlerësimeve të kapacitetit pagues, duke përfshirë vizitat në terren.
• Vlerësimi i rrezikut dhe përgatitja e rekomandimeve për vendimmarrje.
• Monitorimi i portofolit kreditor, ndjekja e pagesave dhe bashkëpunimi me ekipin për menaxhimin e vonesave.
• Mirëmbajtja e të dhënave të klientëve në sistemet përkatëse, duke siguruar saktësi dhe konfidencialitet.
• Ndërtimi i marrëdhënieve pozitive me klientët dhe komunitetin, duke respektuar diversitetin kulturor dhe etnik.
• Sigurimi që të gjitha aktivitetet kryhen në përputhje me politikat, procedurat dhe standardet e KosInvest.
• Përgatitja e raporteve ditore dhe mujore sipas kërkesës së menaxhmentit.
• Pjesëmarrja në trajnime dhe zhvillim profesional.

Zyrtari/ja Kreditor/e duhet të plotësojë kriteret:

• Diplomë bachelor në Ekonomi, Menaxhment, Administrim Biznesi, Financa, ose fushë tjetër relevante.
• Përvojë e mëparshme e punës në ndonjë Institucion Mikrofinanciar dhe/ ose Bankë së paku gjashtë (6) muaj.
• Njohja e parimeve të mikrofinancës, praktikave të huadhënies dhe vlerësimit të rrezikut.
• Kërkohet që të ketë përvojë në kredidhënie dhe përvojë pune në teren.
• Duhet të jetë i/ e mirë për të punuar me njerëzit e komunitetit ku ne punojmë.
• Preferohet të jeni nga komuniteti të cilin synojmë ta shërbejmë.
• Të ketë njohuri të avancuara në fushën e biznesit dhe bujqësisë.
• Veti të mira analitike, dhe njohja e pasqyrave financiare.
• Njohja e zakoneve të klientëve në zonën e operimit.
• Aftësi shumë të mira në të shkruara dhe në të folur në gjuhën shqipe, preferohen edhe në gjuhën serbe dhe angleze.
• Shkathtësi kompjuterike në MS Word dhe EXCEL.
• Është i/ e obligueshme të ketë patent shofer.

Do të kontaktohen vetëm kandidatët e përzgjedhur.

Dokumentet e kërkuara:

• CV
• referencat

Afati i fundit për dorëzimin e dokumenteve të kërkuara është 12 Maj 2026.