FTESË PËR OFERTË - SHËRBIME INTERNETI DHE TRANSMETIM TË DHËNASH

Referenca: RFP-2026-KOSINVEST-NET-V3

Data: 13.05.2026

Nga: Institucioni Mikrofinanciar KOSINVEST

Subjekti: Furnizimi me internet të dedikuar për 16 lokacione (HQ, DRC dhe 14 Degë)

1. HYRJE

KosInvest fton operatorët e licencuar të dorëzojnë ofertat e tyre për shërbime interneti. Kërkohet performancë maksimale dhe stabilitet i garantuar, veçanërisht për Zyrat Qendrore dhe Qendrën e Rimëkëmbjes, të cilat do të shërbejnë si nyja kryesore të komunikimit.

2. SPECIFIKIMET E KAPACITETEVE DHE IP ADRESAVE

Kërkohet që lidhjet në HQ dhe DRC të jenë plotësisht të dedikuara (1:1 Dedicated) me infrastrukturë fibër optike.

Lokacioni Kapaciteti (Simetrik) IP Publike Statike Shënime Teknike:

KosInvest HQ 300 Mbps 3 IP Publike Lidhje e dedikuar (Fiber) (PRISHTINE)

KosInvest DRC 100 Mbps 2 IP Publike Lidhje e dedikuar (Fiber) (VUSHTRRI)

14 Degët 20 Mbps / secila 1 IP Publike / degë Fiber / Radio Prof.

3. KONFIGURIMI DHE DORËZIMI (CLEAR PIPE)

Infrastruktura e rrjetit menaxhohet nga stafi TI i KosInvest përmes pajisjeve FortiGate. Nga operatori kërkohet:

Lidhje "Raw": Dorëzimi i shërbimit në portën WAN të FortiGate (RJ45 Ethernet).

Bridge Mode: Pajisja e operatorit duhet të konfigurohet vetëm si urë (Bridge). Çdo funksion Routing ose NAT duhet të jetë i çaktivizuar.

IP Publike: Blloku i IP-ve në HQ (3 IP) dhe DRC (2 IP) duhet të jetë i disponueshëm për t'u konfiguruar direkt në interface-et e FortiGate-it tonë (për VPN, Shërbime Publike, dhe Monitorim).

Pa Menaxhim: KosInvest nuk kërkon menaxhim të routerit apo firewall-it nga ana e ISP-së.

4. NIVELI I SHËRBIMIT (SLA)

Për pikat HQ dhe DRC, kriteret e mëposhtme janë të negociueshme vetëm në rritje:

Disponueshmëria: Minimumi 99.8% për HQ/DRC dhe 99.7% për degët.

Koha e Reagimit: Brenda 1 ore nga raportimi i problemit.

Zgjidhja e Defektit: Maksimumi 3-4 orë për pikat kryesore.

Raportimi: Operatori duhet të sigurojë qasje në monitorim për të vërtetuar që bandwidth-i është i dedikuar.

5. DORËZIMI I OFERTËS

Ofertat duhet të përmbajnë:

• Koston e instalimit për secilën pikë.
• Tarifën mujore për HQ (me 3 IP), DRC (me 2 IP) dhe secilën degë (me 1 IP).
• Konfirmimin teknik që lidhja në HQ dhe DRC është rrugëtim i dedikuar.
• Zyrja Kryesore në Prishtinë
• DRC në Vushtrri
• 14 Degët: Prishtine, Drenas, Gracanice, Mitrovice, Ferizaj, Viti, Gjilan, Prizren, Rahovec, Gjakove, Suhareke, Kline, Peje dhe Istog.

Afati i dorëzimit të ofertave është zgjatur deri më 22 Maj 2026, në ora 15:00.

IMF KosInvest ka të drejtë të anulojë ofertën dhe/ose të ndryshoj karakteristikat e ofertës dhe t’i ftojë pjesëmarrësit për të sjellur sërish ofertat e tyre.