KosInvest hap konkurs pune për

Asistent/e Financiar/e (1) – Zyra Qendrore

(Kontratë me afat të caktuar - zëvendësim gjatë pushimit të lehonisë)

KosInvest është një institucion mikrofinanciar i licencuar nga Banka Qendrore e Kosovës dhe pjesë e grupit Vision Fund International, i pranishëm në 28 shtete. Përmes kreditimit, institucioni kontribuon në përmirësimin e jetës së familjeve me të hyra të ulëta dhe në mbështetjen e projekteve zhvillimore të komunitetit, me synim rritjen e mirëqenies ekonomike të këtyre grupeve.

Detyrat kryesore për pozitën Asistent/e Financiar/e:

• Ndihmon në hartimin e gjithë dokumentacionit që lidhet me pagesat.
• Përpilon urdhërpagesat për disbursimin e kredive çdo ditë dhe kujdeset që ky proces të zhvillohet saktë dhe brenda afateve.
• Përgatit urdhërpagesa administrative për pagesat bankare dhe ato në para të gatshme.
• Ofron mbështetje të përditshme për Administratën në aspektin e logjistikës dhe të dokumenteve apo informatave të tjera financiare.
• Jep ndihmë përmes sigurimit të informatave dhe dokumentacionit përkatës.
• Kryen barazimin ditor të bankave dhe të mjeteve në para të gatshme.
• Evidenton dhe arkivon dokumentet financiare në përputhje me procedurat e institucionit.
• Merr pjesë në përgatitjen e raporteve periodike financiare dhe raporteve të tjera sipas kërkesës.
• Kontrollon saktësinë e dokumentacionit financiar përpara procesimit të pagesave.
• Bashkërendon punën me bankat, degët dhe departamentet e tjera për çështje që kanë të bëjnë me pagesat dhe transaksionet financiare.
• Ndihmon në përgatitjen e dokumentacionit për auditime të brendshme dhe të jashtme.
• Kujdeset për ruajtjen dhe konfidencialitetin e dokumenteve dhe informatave financiare.
• Mbështet inventarizimin dhe verifikimin e aseteve kur paraqitet nevoja.
• Kryen edhe detyra të tjera financiare dhe administrative sipas kërkesës së mbikëqyrësit.

Kërkesat dhe kualifikimet për pozitën Asistent/e Financiar/e:

• Minimumi një (1) vit përvojë pune në financa ose administratë, me përparësi përvojën në institucione mikrofinanciare ose banka.
• Diplomë universitare në Ekonomi, Financa, Kontabilitet, Menaxhment ose në një fushë tjetër relevante.
• Shkathtësi për analizimin dhe verifikimin e të dhënave financiare me nivel të lartë saktësie.
• Njohuri të mira të MS Office, me theks të veçantë në Excel.
• Motivim për organizimin e punës dhe aftësi për të punuar në mënyrë të pavarur dhe me efikasitet për të respektuar afatet.
• Gatishmëri për punë ekipore dhe bashkëpunim me departamente të ndryshme.
• Aftësi shumë të mira komunikuese në gjuhën angleze dhe shqipe, si në të shkruar ashtu edhe në të folur.
• Aftësi për të ruajtur konfidencialitetin e informatave dhe dokumenteve financiare.
• Njohuri të mira në metoda dhe teknika analitike.
• Orientim i lartë ndaj detajeve dhe saktësisë gjatë punës.
• Patentë shoferi e kategorisë B.

Dokumentet e kërkuara:

• CV
• Referencat

Do të kontaktohen vetëm kandidatët e përzgjedhur.