Konkurs publik

Vendi i punës është për pozitën Zyrtar Kryesor Financiar dhe i Thesarit në Prishtinë, në kuadër të Korporatës Energjetike të Kosovës Sh.A. Mandati i kësaj pozite është katër (4) vite, me orar të plotë, ndërsa paga është Euro 2,500 (Bruto). Afati i fundit për aplikim është 13 Korrik 2026 (e hënë), ora 16:00.

Përshkrimi i ndërmarrjes

Korporata Energjetike e Kosovës (KEK Sh.A.) është një Ndërmarrje Publike që në përbërjen e saj përfshin minierat e thëngjillit, njësitë gjeneruese të TC A dhe B, financat dhe kontabilitetin, shërbimet korporative si dhe Auditimin e Brendshëm. Aktualisht, KEK Sh.A. realizon të hyra vjetore që tejkalojnë € 200 milion.

Përshkrimi i pozitës

Duke raportuar te Bordi i Drejtorëve, Zyrtari Kryesor Financiar dhe i Thesarit mban përgjegjësi për administrimin e përgjithshëm të financave në KEK. Në këtë funksion, ai ose ajo e mbështet drejtpërdrejt KE-në në çështjet strategjike financiare që lidhen me buxhetimin, menaxhimin financiar, analizën e përfitimit dhe kostos, parashikimin e nevojave dhe sigurimin e fondeve të reja.

Roli juaj

• Si pjesë e lidershipit të organizatës, pritet të kontribuojë në vendimmarrjen strategjike dhe operacionale, krahas përmbushjes së përgjegjësive tradicionale të kujdestarisë që lidhen me qeverisjen, përputhshmërinë, kontrollin dhe etikën në biznes.
• Duhet të sigurojë përmbushjen e detyrimeve të kujdestarisë përmes pajtueshmërisë efektive, kontrollit funksional dhe reagimit ndaj zhvillimeve rregullative, duke përfshirë raportimin financiar, kërkesat për kapital dhe përgjegjësinë korporative.
• Merr rol udhëheqës strategjik së bashku me KE-në dhe menaxherët e lartë të tjerë, duke garantuar që funksioni financiar e mbështet biznesin si në nivel strategjik ashtu edhe në atë operacional.
• Kërkohet të angazhohet dhe të komunikojë në mënyrë efikase me kolegë, investitorë, klientë, furnitorë, rregullatorë dhe palë të tjera të interesit, të brendshme dhe të jashtme.
• Është përgjegjës për zbatimin e të gjitha dispozitave financiare, standardeve të kontabilitetit, ligjeve të zbatueshme në Kosovë dhe akteve normative të ndërmarrjes që rregullojnë çështjet financiare.
• Drejton dhe mban përgjegjësi për përpilimin e të gjitha planeve të Departamentit të Financave dhe Thesarit, përfshirë planin e biznesit, planin buxhetor dhe përgatitjen e strategjisë afatmesme e afatgjatë.
• Menaxhon punën e përgjithshme të divizionit dhe e ndihmon Kryeshefin në përcaktimin e objektivave, në zhvillimin e planit të punës për arritjen e tyre, si dhe në hartimin e planit të punës për Divizionin e Financave dhe Thesarit.
• Siguron që pasqyrat financiare tremujore dhe vjetore të Korporatës të përgatiten me kohë dhe në përputhje me Standardet Ndërkombëtare të Raportimit Financiar.
• Përgatit pasqyrat e Kompanisë për auditimin e fundvitit dhe shërben si pikë ndërlidhëse me auditorët.
• Ka përgjegjësi për depot dhe menaxhimin e stokut, me synim optimizimin e niveleve të stokut.
• Mbikëqyr zbatimin e ERP.
• Menaxhon marrëdhëniet me autoritetet rregullatore, veçanërisht në çështjet e tarifave dhe raportimit.
• Mbikëqyr rreziqet e përgjithshme të kompanisë, duke përfshirë ato financiare, operacionale dhe fiskale, dhe në bashkëpunim me pronarët e rrezikut ofron zgjidhje për zvogëlimin ose shmangien e tyre, si dhe monitoron zbatimin e masave për zbutjen e rrezikut.
• Kryen edhe detyra të tjera të kërkuara nga KE dhe Bordi, të cilat janë të nevojshme për funksionimin efektiv të financave të KEK-ut.
• Raporton te Bordi i Drejtorëve dhe te KE-ja.
• Treguesit kryesorë të performancës janë EBITDA dhe pajtueshmëria me buxhetin.

Ai ose ajo duhet të zotërojë aftësi të forta udhëheqëse dhe ndërpersonale, përfshirë komunikimin, të menduarit strategjik, menaxhimin e ndryshimeve, aftësitë analitike për zgjidhjen e problemeve dhe vendimmarrjen.

Performanca e Zyrtarit të Lartë do të vlerësohet në vazhdimësi nga Bordi i Drejtorëve.

Kushtet dhe kualifikimet e kërkuara

Kandidati duhet të ketë:

• Diplomë universitare nga Fakulteti Ekonomik, në drejtimin financa dhe / ose kontabilitet.
• Mbi pesë (5) vite përvojë profesionale në nivel të lartë menaxherial, në fushën e financave dhe / ose kontabilitetit.
• Përmbushjen e kushteve të kualifikimit sipas nenit 21 paragrafi 4, lidhur me nenin 17.1, të plotësojë kriteret e pavarësisë sipas nenit 17.2, pikat (d), (f), (j), (k) dhe (l), të mos ketë qenë, në asnjë moment gjatë periudhës tridhjetë e gjashtë (36) muaj para datës së aplikimit, Drejtor i Bordit të kompanisë përkatëse, si dhe të ketë përvojën profesionale dhe arsimimin e nevojshëm për pozitën, në përputhje me Ligjin nr. 03/L-087 për Ndërmarrjet Publike, i plotësuar dhe ndryshuar me Ligjin nr. 04/L-111.
• Të jetë Kontabilist i Certifikuar nga shoqatat profesionale të licencuara sipas legjislacionit përkatës.
• Të ketë aftësi kompjuterike, veçanërisht në sisteme të avancuara në fushën e financave dhe kontabilitetit.
• Të ketë integritet të lartë moral dhe profesional.
• Njohja e mirë e gjuhës angleze në të shkruar dhe të folur konsiderohet përparësi.

Dokumentet e kërkuara

Në fazën e dorëzimit të aplikimit, kandidatët duhet të përgatisin këto dokumente:

1. Formulari i Aplikimit të KEK-ut.
2. Një Curriculum Vitae - CV, jo më i gjatë se 4 faqe.
3. Letër motivuese që shpjegon lidhjen ndërmjet përvojës dhe / ose kualifikimeve me pozitën e synuar.
4. Një kopje e ID ose e Pasaportës valide.
5. Dëshmi për përvojë pune menaxheriale nga punëdhënësi, si kopje kontratash ose vërtetime nga punëdhënësi, si dhe trusti pensional.
6. Kopje e diplomës së studimeve dhe kopje të certifikatave të kualifikimit, përfshirë edhe vendimin për nostrifikim të diplomës nëse studimet janë përfunduar jashtë Kosovës.
7. Certifikatë nga gjykata kompetente që nuk është duke u zhvilluar procedurë penale dhe që kandidati nuk është dënuar për vepër penale, jo më e vjetër se 6 muaj nga data e lëshimit.
8. Deklaratë nën betim e nënshkruar.