Kjo shpallje ka skaduar dhe nuk pranon më aplikime.
Pozitë e lirë në Arsim
Edukim & TrajnimFerizaj1 muaj më parëFull Time
Konkurs
Drejtoria e Arsimit në Ferizaj ka rishpallur konkurs për tre (3) asistentë/e për fëmijë/nxënës me nevoja të veçanta arsimore.
Kualifikimi i kërkuar për këtë pozitë është Niveli 5-të (postsekondar) i kualifikimit asistent për fëmijë/nxënës me nevoja të veçanta arsimore.
Paga bazë për këtë pozitë është 660 Euro.
Detyrat dhe roli i asistentit/es për fëmijët/nxënësit me nevoja të veçanta arsimore
- Mbështet fëmijët/nxënësit në zhvillimin e pavarësisë, orientimit dhe lëvizshmërisë, si dhe i ndihmon në transport, në vendosjen dhe uljen e nxënësit në klasë.
- Bashkëpunon me mësimdhënësit dhe me stafin tjetër për zbatimin e PIA-së, të lëndëve të individualizuara ose të mësimit në fusha të aktiviteteve.
- Përgatit materiale mësimore dhe kujdeset për menaxhimin e pajisjeve të nevojshme brenda dhe jashtë klasës.
- Vëzhgon vështirësitë dhe nevojat e identifikuara të fëmijëve, si dhe përgatit informata kthyese për sfidat dhe arritjet e tyre.
- Nxit arsimin gjithëpërfshirës dhe pranimin e të gjithë fëmijëve në klasë, duke i inkurajuar për komunikim, pjesëmarrje në lojë dhe zhvillim të të folurit dhe gjuhës përmes bisedës dhe lojës.
- Mbikëqyr dhe mbështet fëmijët/nxënësit gjatë racioneve ushqimore, përkujdeset për nevojat fizike/personale dhe mjekësore, si dhe ndihmon në veshje dhe në pastërtinë e përgjithshme të tyre.
- Në bashkërendim me mësuesin/mësuesit, harton programin ditor dhe javor për mësim, aktivitete dhe ngjarje, me qëllim ofrimin e mbështetjes për fëmijët në procesin mësimor.
- Forcon bashkëpunimin shkollë-shtëpi dhe mbështet diskutimin e çështjeve të ndjeshme me prindin ose kujdestarin e fëmijës/nxënësit.
- Respekton rregullat dhe etikën e shkollës dhe mban sjellje të përshtatshme ndaj nxënësve.
- Paraqet punën dhe rezultatet e nxënësve.
- Informacionet që trajtohen në shkollë i ruan në mënyrë plotësisht konfidenciale.
Kushtet e përgjithshme dhe të veçanta për pranimin e zyrtarëve publikë
- Kandidati duhet të jetë shtetas i Republikës së Kosovës.
- Duhet të ketë zotësi të plotë për të vepruar.
- Duhet të jetë në gjendje të mirë shëndetësore për ushtrimin e detyrës përkatëse.
- Nuk duhet të jetë i dënuar me vendim të formës së prerë për kryerjen e një vepre penale me dashje.
- Nuk duhet të ketë në fuqi masë disiplinore për largim nga një pozitë e zyrtarit publik.
- Për këtë vend pune kërkohet përgatitje profesionale përkatëse sipas nenit 8 pika 6 të Udhëzimit Administrativ të MASHTI-it, nr. 05/2021, Normativi për Kuadrin e Arsimit të Përgjithshëm.
- Të drejtë aplikimi kanë kandidatët me përgatitje profesionale përkatëse.