Titulli: Mekanik (1 pozitë)

Numri i Referencës: ZP/KJ-06-2026

I raporton: Udhëheqësit të Shërbimit të Makinerisë

Niveli i pagës me koeficient 54: 1080.00€ Bruto në muaj

Kohëzgjatja e kontratës: Me kohë të caktuar (1 vit) me mundësi vazhdimi; puna provuese zgjat deri në gjashtë (6) muaj

Vendi i punës: KMDK – Sh.A., Prishtinë

Përshkrimi i shkurtër:

• Kandidati do të kryejë mirëmbajtjen parandaluese dhe korrigjuese të automjeteve, makinerive të rënda dhe pajisjeve, diagnostikimin dhe riparimin e defekteve mekanike, elektrike dhe hidraulike, si dhe dokumentimin dhe raportimin teknik të ndërhyrjeve. Kandidati duhet të sigurojë përputhshmërinë me standardet teknike dhe të sigurisë dhe të mbikëqyrë punimet e kontraktorëve të jashtëm.

Detyrat dhe Përgjegjësitë:

Mirëmbajtja dhe Riparimi i Makinerive

• Kryen mirëmbajtjen parandaluese dhe korrigjuese të automjeteve, makinerive të rënda dhe pajisjeve, sipas udhëzimeve të eprorit
• Zëvendëson pjesët e dëmtuara, riparon defektet teknike dhe monton komponentët e rinj sipas specifikimeve
• Siguron që të gjitha ndërhyrjet realizohen në përputhje me planin e mirëmbajtjes dhe standardet teknike dhe të sigurisë

Diagnostikimi dhe Kontrolli Teknik

• Përdor pajisjet përkatëse për diagnostikimin e defekteve mekanike, elektrike dhe hidraulike
• Teston funksionalitetin e pajisjeve pas riparimit për të siguruar kthimin në operim të sigurt dhe efikas
• Monitoron në mënyrë të rregullt gjendjen teknike të mjeteve dhe raporton çdo defekt që kërkon ndërhyrje të menjëhershme

Përdorimi dhe Kujdesi për Pajisjet e Punës

• Përdor me përpikëri pajisjet dhe veglat e punës gjatë realizimit të detyrave teknike
• Mirëmban dhe ruan pajisjet e diagnostikimit dhe mjete të tjera, duke siguruar funksionalitetin e tyre të vazhdueshëm
• Siguron që ambienti i punës dhe pajisjet të jenë të pastërta dhe në gjendje të sigurt

Dokumentimi dhe Raportimi Teknik

• Mban evidencë të plotë për ndërhyrjet e realizuara në kartelat teknike të pajisjeve
• Përgatit raporte periodike mbi gjendjen e makinerisë dhe ia dorëzon eprorit në mënyrë të rregullt
• Jep sugjerime teknike për masa parandaluese me qëllim të zvogëlimit të defekteve dhe përmirësimit të qëndrueshmërisë

Mbikëqyrja e Punëve të Palëve të Treta

• Monitoron ndërhyrjet teknike të kryera nga kontraktorë të jashtëm dhe siguron përputhjen me standardet teknike
• Verifikon cilësinë e punimeve dhe jep vlerësim mbi performancën teknike të kontraktorëve

Zbatimi i Sigurisë dhe Gatishmëria Operative

• Zbaton të gjitha rregullat e sigurisë në punë dhe përdor pajisjet mbrojtëse personale
• Raporton çdo incident, rrezik ose mospërputhje që mund të ndikojë në sigurinë ose funksionalitetin operativ
• Tregon gatishmëri për të punuar jashtë orarit të rregullt, gjatë fundjavës ose ditëve të festave, kur kërkohet

Përgjegjësi dhe Detyra të Deleguara

• Raporton me shkrim dhe verbal për aktivitetet e realizuara, së paku një herë në muaj ose sipas kërkesës së eprorit
• Kryen detyra të tjera të caktuara nga eprori ose menaxhmenti në përputhje me nevojat operacionale
• Është përgjegjës për zbatimin me integritet të detyrave dhe mbajtjen e standardeve profesionale dhe teknike të kompanisë

Përvojë/Edukimi:

• Diplomë e shkollës së mesme profesionale në mekanikë automjetesh ose në një fushë të ngjashme teknike
• Minimum 2 vite përvojë pune në mirëmbajtje të automjeteve, makinerive të rënda ose pajisjeve industriale
• Njohuri të mira të sistemeve mekanike, elektrike dhe hidraulike të automjeteve dhe makinerive
• Aftësi për përdorimin e mjeteve të dorës dhe pajisjeve diagnostikuese për zbulimin dhe zgjidhjen e defekteve
• Njohuri bazike të standardeve dhe praktikave të sigurisë në punë

Shkathtësitë tjera:

• Aftësi të mira për diagnostikimin dhe zgjidhjen e defekteve teknike në mënyrë të pavarur
• Përpikëri dhe kujdes në zbatimin e procedurave teknike dhe udhëzimeve të mirëmbajtjes
• Aftësi për punë efektive në ekip dhe për të ndjekur udhëzimet e eprorit teknik
• Ndjeshmëri dhe përkushtim ndaj mirëmbajtjes së mjeteve dhe ruajtjes së pajisjeve në gjendje optimale
• Fleksibilitet për të punuar jashtë orarit në raste urgjente ose kur kërkohet nga dinamika operacionale

Preferohet:

• Përvoja e punës në instalime apo mirëmbajtje elektrike është e preferueshme dhe përbën avantazh për kandidatin

Mënyrat e vlerësimit dhe kriteret e poentimit:

• Vlerësimi total: 100 pikë
• CV: deri në 10 pikë
• Testimi me shkrim: deri në 60 pikë
• Intervistimi: deri në 30 pikë
• Kalueshmëria: së paku 50 pikë nga të gjitha fazat

Dokumentet e nevojshme për aplikim:

• Formulari zyrtar i aplikimit (i plotësuar dhe i nënshkruar)
• Kopje e letërnjoftimit ose pasaportës valide
• CV e detajuar me përvojë pune
• Diploma dhe dëshmi të kualifikimeve (diplomat e marra jashtë Republikës së Kosovës duhet të jenë të nostrifikuara nga MAShTI)
• Dëshmi për përvojën e punës (kontrata ose vërtetime, dhe pasqyrë e kontributeve pensionale)
• Certifikata se kandidati nuk është nën hetime dhe nuk është i dënuar (jo më të vjetra se data e publikimit të konkursit)
• Letërmotivimi

Afati për aplikim: 28.04.2026 në orën 16:00.