Klimateknika TB2 sh.p.k paraqitet si një kompani udhëheqëse në treg që vepron në fushën e sistemeve HVAC. Aktiviteti i saj përfshin projektimin, zbatimin dhe mirëmbajtjen e sistemeve të ngrohjes, ventilimit, klimatizimit dhe sistemeve solare termale, si për përdorim civil ashtu edhe industrial, në përputhje me standardet shqiptare dhe evropiane të eficiencës së energjisë. E mbështetur në teknologji të avancuar dhe në një ekip teknikësh e inxhinierësh me përvojë, kompania ofron shërbimet e saj jo vetëm në tregun shqiptar, por edhe më gjerë.

Kompania është në kërkim të një Specialisti/e të Logjistikës HVAC me profil inxhinierik.

Detyrat

• Të garantojë lëvizjen e rregullt dhe efikase të mallrave dhe materialeve përgjatë gjithë zinxhirit të furnizimit.
• Të menaxhojë, zhvillojë dhe zbatojë strategji për përmirësimin e proceseve.
• Të organizojë, bashkërendojë dhe përmirësojë aktivitetet që lidhen me transportin.
• Të administrojë marrjen e ofertave, negociatat me furnitorët, përllogaritjen e kostove dhe ndjekjen e pagesave.
• Të verifikojë dokumentacionin dhe të përcaktojë destinacionin e mallrave të mbërritura.
• Të ndjekë procedurat e zhdoganimit.
• Të rakordojë me magazinën për gjendjen ekzistuese dhe nevojat e kompanisë.
• Të hartojë raporte periodike javore, mujore dhe vjetore.

Kualifikimet

• Të zotërojë diplomë Master në Inxhinieri, Ekonomi ose në një fushë të afërt.
• Të ketë të paktën 2 vite përvojë në rolin e specialistit të logjistikës.
• Të ketë njohuri shumë të mira mbi proceset logjistike dhe menaxhimin e zinxhirit të furnizimit.
• Të ketë njohuri shumë të mira të gjuhës angleze në Listening, Reading dhe Speaking.
• Të shfaqë aftësi shumë të mira analitike, menaxheriale dhe komunikuese.
• Të ketë njohuri të avancuara në përdorimin e paketës Microsoft Office.
• Të ketë përvojë të mëparshme në përdorimin e programeve për menaxhimin e zinxhirit të furnizimit, me preferencë ODOO.
• Të ketë aftësi të mira në planifikim dhe administrim të kohës.
• Të jetë i/e aftë të punojë në ekip.

Ofrohen:

• Një ambient pune i rehatshëm dhe dinamik.
• Pagë konkurruese.
• Mundësi për zhvillim dhe promovim.

Adresa: Rrethrrotullimi i TEG-ut