Përshkrimi

Klimateknika TB2 sh.p.k paraqitet si një kompani udhëheqëse në treg që vepron në fushën e sistemeve HVAC. Veprimtaria e saj përfshin projektimin, zbatimin dhe mirëmbajtjen e sistemeve të ngrohjes, ventilimit, kondicionimit të ajrit dhe sistemeve solare termale, si për përdorim civil ashtu edhe industrial, në përputhje me standardet shqiptare dhe europiane të efiçiencës së energjisë. Duke u mbështetur në teknologji të avancuar dhe në një ekip teknikësh e inxhinierësh të kualifikuar me përvojë, kompania ofron shërbime jo vetëm në tregun shqiptar, por edhe më gjerë.

Për të mbështetur planet e saj të zhvillimit, kompania synon të zgjerojë ekipin me pozicionin Menaxher Shitjesh CAC (profil HVAC, Ashensorë).

Ky funksion përbën një rol të rëndësishëm, i cili kërkon kombinimin e njohurive teknike inxhinierike me qasjen strategjike në biznes, me qëllim rritjen e shitjeve. Përgjegjësia kryesore është zgjerimi i portofolit të produkteve në treg nëpërmjet identifikimit të mundësive të reja, marketingut teknik dhe krijimit të marrëdhënieve të qëndrueshme me kompani ndërtimi dhe subjekte të tjera komerciale apo industriale.

Detyrat

• Takimet & Prezantime B2B : Planifikon dhe zhvillon takime të vazhdueshme me përfaqësues të kompanive të ndërtimit, menaxherë projektesh dhe subjekte komerciale ose industriale për të paraqitur përfitimet teknike dhe ekonomike të produkteve.
• Strategji Shitjeje: Harton dhe zbaton strategji shitjeje si edhe plane konkrete veprimi për përmbushjen e objektivave dhe rritjen e pranisë në treg.
• Identifikimi I partneriteteve: Ndjek dhe evidenton objektet ku mund të integrohen sistemet HVAC dhe ashensorët, si edhe zbulon mundësi të reja bashkëpunimi.
• Konsulencë Teknike në Terren: Kryen vizita pranë subjekteve për të kuptuar veçoritë e projekteve dhe për të propozuar zgjidhjen më të përshtatshme.
• Negocimi i Kontratave: E ndjek procesin deri në finalizimin e marrëveshjes, duke garantuar që produkti i përzgjedhur të jetë përfshirë saktë në preventivin e ndërtimit.
• Bashkëpunim ndërpartamental: Forcon lidhjet e punës mes ekipit të inxhinierëve dhe atij të shitjeve.
• Rrjetëzimi (Networking): Zhvillon dhe ruan marrëdhënie strategjike me kompani ndërtimi, investitorë, arkitektë dhe inxhinierë projektimi.
• Feedback-u i Tregut: Analizon kërkesat specifike të tregut dhe ia raporton ato ekipit teknik.

Kualifikimet

• Të ketë përfunduar studimet në Administrim Biznesi ose Marketing.
• Preferohet të ketë të paktën 2 vite përvojë pune në role të ngjashme.
• Të jetë mbi 25 vjeç.
• Të zotërojë mirë gjuhën angleze.
• Të ketë aftësi të mira komunikimi.
• Të shfaqë aftësi lidershipi dhe analitike.

Ne ofrojmë:

• Një ambient pune komod dhe motivues.
• Mundësi për zhvillim dhe promovim brenda kompanisë ose grupit.
• Pagesë konkurruese në treg.