Përshkrimi

Njoftim Pune

Kid Zone shpk është një kompani e njohur në sektorin retail, e pranishme në Shqipëri që nga viti 2011 si pjesë e BALFIN Group. Ajo ofron mbi 30,000 produkte dhe është kthyer në një markë të konsoliduar që u përgjigjet nevojave të grupmoshave të ndryshme. Me 29 dyqane në rajon, përfshirë Kosovën, Malin e Zi dhe Bosnje-Hercegovinën, JUMBO dallohet për cilësi evropiane, zgjedhje të larmishme dhe çmime konkurruese.

Balkan Finance Investment Group (BALFIN) renditet ndër grupet më të mëdha dhe më të suksesshme të investimeve në Ballkanin Perëndimor. Grupi ushtron aktivitet në Austri, Shqipëri, Kosovë, Bosnje dhe Hercegovinë, Maqedoninë e Veriut, Mal të Zi, Zvicër, Kroaci, Holandë dhe SHBA, me rreth 5,000 të punësuar. Veprimtaria e tij përfshin pasuritë e paluajtshme, tregtinë me shumicë dhe pakicë, bankën, menaxhimin e aseteve, median, arsimin dhe logjistikën. BALFIN Group vijon zgjerimin e qëndrueshëm duke ndikuar pozitivisht në komunitet përmes zhvillimit ekonomik, hapjes së vendeve të punës, inovacionit dhe investimeve sociale.

Pozicioni i ofruar është Punetor Magazine në departamentin Retail. Roli raporton te Supervizor i Magazines dhe është i vendosur në Vlore.

Përmbledhje e Pozicionit:

Punëtori i magazinës ka përgjegjësi për menaxhimin fizik të stokut të dyqanit në ambientet e magazinës, si edhe për mbarëvajtjen operative të saj. Ky rol përfshin pranimin e furnizimeve, marrjen dhe dërgimin e transfertave, organizimin e produkteve sipas kategorive dhe sigurimin e qarkullimit të mallrave ndërmjet magazinës dhe dyqanit.

Detyrat

• Siguron ruajtjen e produkteve dhe monitoron gjendjen e tyre.
• Merr në dorëzim furnizimet në përputhje me udhëzimet e përcaktuara.
• Përgatit porositë që u nevojiten departamenteve.
• Organizon mallrat sipas kategorive përkatëse.
• Kujdeset që magazina të jetë e rregullt dhe e pastër.
• Jep mbështetje gjatë procesit të shkarkimit të mallit.

Kualifikimet

• Kërkohet arsim i mesëm.
• Nevojitet të paktën 1 vit përvojë pune në sistemim ose në magazinë.