Përshkrimi

Kid Zone shpk bën pjesë në BALFIN Group dhe operon në fushën e shitjes me pakicë, duke ofruar në hapësirat e saj produkte të ndryshme për fëmijë, përfshirë lodra, dhurata, libra, artikuj kancelarie, veshje dhe aksesorë të ndryshëm për shtëpinë.

Profili i Grupit BALFIN: Balkan Finance Investment Group, BALFIN Group përfaqëson një nga grupet investuese më të rëndësishme dhe më të konsoliduara në rajonin e Ballkanit Perëndimor. Në aspektin gjeografik, BALFIN Group ushtron aktivitet në Austri, Shqipëri, Kosovë, Bosnjë dhe Hercegovinë, Maqedoninë e Veriut, Mal të Zi, Zvicër, Kroaci, Holandë dhe SHBA, me rreth 5,000 punonjës gjithsej. Veprimtaria e grupit shtrihet në zhvillimin dhe administrimin e pasurive të paluajtshme, tregtinë me shumicë dhe pakicë, sektorin bankar, menaxhimin e aseteve, median dhe logjistikën. BALFIN Group vijon të zgjerohet në mënyrë të qëndrueshme dhe ndikon në përmirësimin e jetës së komuniteteve përmes zhvillimit ekonomik, sjelljes së ideve të reja, punësimit dhe investimeve sociale.

Operatori i Sigurisë ka për detyrë të mbajë një ambient të sigurt dhe të qetë për klientët dhe punonjësit, si edhe të mbikëqyrë hapësirat e dyqanit dhe të magazinës.

Në këtë rol, kandidati kujdeset për funksionimin e duhur të sistemeve të sigurisë, ndjek respektimin e procedurave të brendshme dhe ndërmerr veprime për të parandaluar vjedhjet, incidentet dhe rreziqe të tjera.

Pozicioni kërkon gjithashtu komunikim të qartë dhe efikas me stafin dhe menaxhmentin.

Detyrat

• Mban të garantuar sigurinë e klientëve dhe të stafit.
• Mbikëqyr sistemet e sigurisë dhe pajisjet përkatëse.
• Zbaton dhe verifikon procedurat e sigurisë në të gjithë ambientin e dyqanit.
• Administron hyrjet, vizitorët dhe rastet e dyshimta.
• Merr masa për parandalimin dhe trajtimin e vjedhjeve.
• Mbikëqyr zbatimin e masave kundër zjarrit dhe situatat emergjente.
• Njofton dhe orienton stafin për çështjet që lidhen me sigurinë.
• Reagon ndaj situatave të papritura dhe mbështet operacionet sipas nevojës.

Kualifikimet

• Të ketë përfunduar arsimin e mesëm.
• Të ketë 6 muaj – 1 vit eksperiencë në një rol të ngjashëm.
• Të zotërojë njohuri bazë kompjuterike.
• Njohja e një gjuhe të huaj përbën avantazh.
• Të disponojë leje drejtimi klasa B.

Aftësi:

• Të ketë aftësi të mira në komunikim.
• Të dijë të përdorë mjetet e punës në fushën e sigurisë.
• Të ketë aftësi për vendimmarrje dhe zgjidhje problemesh.
• Të punojë mirë në ekip dhe të bashkëpunojë me të tjerët.
• Të ndjekë dhe të zbatojë procedurat me korrektësi.
• Të jetë i gatshëm për orare fleksibël.