Përshkrimi:
Kid Zone shpk është pjesë e BALFIN Group i specializuar në shitje me pakicë ku tregton në ambjentet e tij artikuj të ndryshëm për fëmijë si lodra, dhurata, libra, kancelari, veshje dhe aksesorë të shumëllojshëm për shtëpinë. Profili i Grupit BALFIN: Balkan Finance Investment Group, BALFIN Group, është një nga grupet investuese më të rëndësishme dhe më të suksesshme në rajonin e Ballkanit Perëndimor. Gjeografikisht, Grupi BALFIN është i pranishëm në disa vende me afërsisht 5,000 punonjës në total. Aktivitetet përfshijnë zhvillimin dhe menaxhimin e pasurive të patundshme, shitjet me shumicë dhe pakicë, sistemin bankar, menaxhimin e aseteve, mediat dhe logjistikën.

Përmbledhja e pozicionit:

• Një Kasier/e është përgjegjës/e për menaxhimin e përditshëm të arkës së vet në përputhje me vlerat dhe politikat e përgjithshme të kompanisë dhe të Grupit. Sigurohet që gjatë procesit të pagesës të jetë i/e saktë, korrekte, të japë informacionin e duhur dhe të ofrojë shërbim të jashtëzakonshëm ndaj secilit klient, i/e shoqëruar me buzëqeshje, dashamirësi dhe sjellje profesionale.

Detyrat:

• Skanon produktet me saktësi dhe menaxhon pagesat; bën mbylljen e kasës dhe dorëzimin e lekëve në fund të turnit.
• Siguron sigurinë e arkës (kyçje, akses, program).
• Informon menaxhimin për probleme, ankesa apo avari teknike.
• Ofron shërbim cilësor ndaj klientit dhe menaxhon proceset e ndërrimit sipas procedurave.
• Mban arkën dhe ambientin të pastër dhe të rregullt.
• Sistemon dhe rimbush produktet në zonën e arkës sipas udhëzimeve.
• Bashkëpunon me stafin dhe departamentet e tjera.
• Asiston në trajnimin e punonjësve të rinj.

Kualifikimet:

• Edukimi: Arsim i mesëm apo i lartë.
• Eksperienca e punës përbën avantazh.

Aftësi të tjera:

• Aftësi shumë të mira komunikuese janë thelbësore.
• Aftësi për të operuar me programet bazë të kasës.

Dokumentet e kërkuara:

• CV