Përshkrimi

Kid Zone shpk është një kompani e njohur në tregtinë me pakicë, e pranishme në Shqipëri që nga viti 2011 si pjesë e BALFIN Group. Ajo ofron mbi 30,000 produkte dhe është kthyer në një markë të konsoliduar që u shërben nevojave të grupmoshave të ndryshme. Me 29 dyqane në rajon, përfshirë Kosovën, Malin e Zi dhe Bosnje-Hercegovinën, JUMBO dallohet për produkte me standard evropian, shumëllojshmëri dhe çmime konkurruese.

Balkan Finance Investment Group (BALFIN) renditet ndër grupet më të mëdha dhe më të suksesshme të investimeve në Ballkanin Perëndimor. Grupi vepron në Austri, Shqipëri, Kosovë, Bosnje dhe Hercegovinë, Maqedoninë e Veriut, Mal të Zi, Zvicër, Kroaci, Holandë dhe SHBA, me rreth 5,000 të punësuar. Veprimtaria e tij përfshin pasuri të paluajtshme, tregti me shumicë dhe pakicë, bankë, menaxhim asetesh, media, arsim dhe logjistikë. BALFIN Group vijon zgjerimin e tij në mënyrë të qëndrueshme dhe jep ndikim pozitiv në komunitet përmes zhvillimit ekonomik, hapjes së vendeve të punës, inovacionit dhe investimeve sociale.

Pozicioni: Deputy Store Manager
Departamenti: Retail
Raporton tek: Menaxheri i Dyqanit
Vendndodhja: Durrës

Përmbledhje e Pozicionit:

Roli i Deputy Store Manager mbulon drejtimin dhe koordinimin e proceseve operative dhe të vendimmarrjes brenda dyqanit. Kjo pozitë ka për qëllim të garantojë zbatimin e saktë të standardeve të kompanisë, të mbështesë optimizimin e shitjeve, të nxisë rritjen e performancës së pikës së shitjes, të kontribuojë në zhvillimin profesional të stafit dhe të forcojë praninë e markës në perceptimin e klientëve përmes një shërbimi cilësor që i tejkalon pritshmëritë. Gjithashtu, kjo pozitë ndjek në mënyrë të vazhdueshme punën e të gjitha departamenteve të dyqanit, duke përfshirë kasat, magazinën dhe sallën e shitjes.

Detyrat

• Mbikëqyr aktivitetin e përditshëm të dyqanit, bashkërendon stafin dhe siguron që standardet dhe procedurat e kompanisë të zbatohen siç duhet.
• Administron dhe kontrollon stokun në sallën e shitjes dhe në magazinë, ndjek lëvizjet e mallrave dhe realizon porositë për të ruajtur nivelin optimal të produkteve në dispozicion.
• Harton oraret e punës, trajnon punonjësit, ofron feedback dhe mbështet zhvillimin e tyre profesional me synim rritjen e performancës së ekipit.
• Mbikëqyr proceset e arkës, saktësinë e transaksioneve, shpenzimet e dyqanit si edhe respektimin e standardeve financiare dhe të sigurisë.
• Kujdeset që produktet të paraqiten në mënyrën e duhur, që politikat e merchandising të zbatohen dhe që çmimet në dyqan të jenë të sakta.
• GarantON një përvojë të kënaqshme për klientët dhe trajton ankesat ose incidentet që mund të paraqiten.
• Përgatit dhe përcjell raporte mbi ecurinë e dyqanit, produktet dhe tregun, sipas kërkesave të menaxhimit dhe departamenteve qendrore.
• Ndjek aktivitetin e konkurrencës dhe bashkëpunon me departamente të ndryshme për të përmirësuar rezultatet e dyqanit.

Kualifikimet

Kërkesat:

• Të ketë përfunduar arsimin e lartë.
• Të ketë së paku dy vite përvojë në menaxhim, ndërsa eksperienca në Retail konsiderohet përparësi.
• Të zotërojë gjuhën angleze dhe/ose gjuhë të tjera të huaja.
• Të ketë njohuri të avancuara në paketën Microsoft Office.

Kualifikime të Tjera:

• Të jetë në gjendje të punojë nën presion dhe të respektojë afatet e përcaktuara.
• Të ketë aftësi shumë të mira organizative dhe menaxheriale.
• Të jetë i orientuar drejt cilësisë dhe performances.
• Të demonstrojë integritet të lartë dhe zbatim rigoroz të rregullave dhe standardeve.
• Të ketë aftësi monitorimi dhe motivimi.
• Të përdorë në mënyrë efektive mjetet e punës.
• Të ketë komunikim shumë të mirë dhe aftësi për bashkëpunim në grup.
• Të jetë i aftë të përballojë situata të ndryshme.
• Të ofrojë shërbim efikas ndaj klientit në çdo kohë.

Shënime

Ky përshkrim i rolit nuk i përfshin domosdoshmërisht të gjitha përgjegjësitë. Punonjësi mund të angazhohet edhe në detyra të tjera të lidhura me këtë pozitë, nëse ato përputhen me nevojat e organizatës.