Përshkrimi

Kid Zone shpk është një kompani retail e njohur në Shqipëri, aktive që nga viti 2011 si pjesë e BALFIN Group. Ajo ofron mbi 30,000 produkte dhe është kthyer në një markë të konsoliduar që u përgjigjet nevojave të të gjitha grupmoshave. Me 29 dyqane në rajon, përfshirë Kosovën, Malin e Zi dhe Bosnje-Hercegovinën, JUMBO dallohet për cilësi evropiane, larmi produktesh dhe çmime konkurruese.

Balkan Finance Investment Group (BALFIN) renditet ndër grupet më të mëdha dhe më të suksesshme të investimeve në Ballkanin Perëndimor. Grupi ushtron aktivitet në Austri, Shqipëri, Kosovë, Bosnje dhe Hercegovinë, Maqedoninë e Veriut, Mal të Zi, Zvicër, Kroaci, Holandë dhe SHBA, me rreth 5,000 të punësuar. Veprimtaria e tij përfshin pasuritë e paluajtshme, tregtinë me shumicë dhe pakicë, bankën, menaxhimin e aseteve, median, arsimin dhe logjistikën. BALFIN Group vijon zgjerimin e qëndrueshëm duke dhënë ndikim pozitiv në komunitet përmes zhvillimit ekonomik, punësimit, inovacionit dhe investimeve sociale.

Departmenti: Kasave

Vendodhja: TEG

Përmbledhja e Pozicionit: Roli ka përgjegjësi për organizimin dhe mbikëqyrjen e kasiereve, si edhe të proceseve të punës në arkat e dyqanit, në përputhje të plotë me nevojat dhe pritshmëritë e klientëve, si dhe me standardet dhe vlerat e kompanisë.

Detyrat

• Verifikon çdo ditë pajisjet e arkave dhe njofton menjëherë menaxherin e dyqanit në rast të defekteve.
• Mbikëqyr saktësinë dhe sigurinë e transaksioneve që realizon ekipi gjatë punës.
• Garantonnë pikën e informacionit ofrimin e shërbimit ndaj klientit dhe angazhohet drejtpërdrejt në komunikimin me klientët sipas standardeve të kompanisë.
• Kryen mbylljen e arkave në fund të turnit për secilën kasiere dhe rakordon sistemin me shitjet.
• Kontribuon në zhvillimin e vazhdueshëm të stafit, me qëllim që transaksionet në arka të realizohen me shërbim cilësor dhe pa vonesa.
• Kryen dorëzimet dhe derdhjet e të hollave sipas protokolleve të miratuara të sigurisë.
• Kujdeset që mbyllja e dyqanit të bëhet në kohën e përcaktuar.

Kualifikimet

Edukimi: Kërkohet arsim i mesëm ose i lartë.

Eksperiencat e punës: Nevojitet të paktën 1 vit përvojë e mëparshme pune.

Kualifikime të tjera:

• Njohja e gjuhëve të huaja përbën avantazh.
• Kërkohet njohje dhe përdorim i programeve bazë të kompjuterit.