Departamenti: Departamenti i Prokurimit
Data e shpalljes: 03-04-2026

Përshkrim i shkurtër:
Pozita ka përgjegjësi për përgatitjen, përpilimin dhe menaxhimin e kontratave dhe dokumentacionit të prokurimit, përfshirë amendamentet, marrëveshjet e bashkëpunimit dhe dokumentet për ndërprerjen e kontratave. Bashkëpunon ngushtë me Zyrën Ligjore, ndjek sigurimin e ekzekutimit të kontratave dhe merr pjesë në zgjidhjen e mosmarrëveshjeve. Gjithashtu përgatit raporte, skenon dhe arkivon kontratat në formë fizike dhe elektronike.

Detyrat dhe përgjegjësitë kryesore:

• Përgatit draft-kontrata për tender sipas kërkesave dhe specifikimit teknik.
• Përgatit kontratat përfundimtare sipas ofertës së fituesit.
• Përgatit amendamentet për kontrata.
• Përgatit marrëveshjet si memorandumet apo marrëveshjet e bashkëpunimit për kompaninë.
• Bashkëpunon ngushtë me Zyrën ligjore për përgatitjen e kontratave.
• Përcjell Sigurimin e ekzekutimit të kontratave dhe afatet e Sigurimit për kontratat e përgatitura.
• Përgatit dokumentacione për ndërprerjen e kontratës.
• Merr pjesë në zgjidhjen e mosmarrëveshjeve për çdo kontratë.
• Përgatit Njoftimin mbi nënshkrimin e kontratës për çdo kontratë që nënshkruhet.
• Përgatit raporte në baza javore apo mujore varësisht nga kërkesa e Udhëheqësit.
• Përgatit, skenon dhe arkivon në formë fizike dhe elektronike kontratat dhe sigurimet e ekzekutimit në arkivën e Prokurimit.

Kërkesat dhe kualifikimet:

• Kualifikim Universitar, Fakulteti Juridik;
• Njohuri Juridike dhe Ekonomike;
• Të kuptoj, shkruaj dhe flas gjuhët: Shqipe dhe Angleze. Preferohen edhe gjuhët Turke dhe Serbe;
• MS Office dhe programe të tjera që mund të jenë të nevojshme gjatë punës;
• Njohuri të Ligjeve të Kosovës, specifikisht Ligjin e Prokurimit;
• Njohuri të Procedurave të Prokurimit, njohuri administrative dhe të përpilimit të kontratave;
• Aftësi të shkëlqyeshme organizative, analitike dhe kontrolluese;
• Aftësi për punë ekipore dhe i/e hapur për bashkëpunim;
• Aftësi për të gjeneruar zgjidhje të efektshme dhe pragmatike të situatave të reja dhe problemeve që paraqiten.

Dokumentet e kërkuara:

• CV
• Diploma e kualifikimit
• Dëshmi nga përvojë e punës/Trusti
• Certifikata/Vërtetimi që nuk jeni nën hetime nga Gjykata
• Certifikata të trajnimeve të ndjekura

Shënime të Rëndësishme:

• KEDS beson në një ambient pune ku talenti, përkushtimi dhe aftësitë janë të vetmet kritere për sukses. Prandaj, inkurajojmë fuqimisht vajzat dhe gratë të aplikojnë për pozitat e hapura të punës. Jemi të përkushtuar ndaj një vendi pune gjithëpërfshirës, të barabartë dhe të mbështetur në vlera që promovojnë diversitetin dhe fuqizimin e të gjithë punonjësve.
• Aplikimet e dorëzuara pas afatit të paraparë nuk pranohen dhe aplikimet e mangëta refuzohen.
• Vetëm kandidatët që plotësojnë kriteret dhe që përzgjedhen në listën e ngushtë do të kontaktohen.