Përshkrimi

"ITE Group" operon në tregun shqiptar si një nga kompanitë kryesore në fushën e materialeve elektrike, pajisjeve elektronike dhe impianteve fotovoltaike. Në aktivitetin e saj si shitës me pakicë dhe distributor në Shqipëri, "ITE Group" përfaqëson disa prej markave më të njohura ndërkombëtare. Ndër partnerët më të rëndësishëm të saj përfshihen: Schneider Electric, Philips, Bosch, Huawei, Vimar, Vortice, 3M, Pramac, Arnocanali, Prysmian Group, Femi CZ, Electrocanali, etj. Një pjesë me rëndësi e veprimtarisë së "ITE Group" është reparti i Asamblimit të Paneleve Elektrike, i krijuar në vitin 2006. Në këtë njësi prodhohen panele elektrike të shpërndarjes, të kondicionimit dhe të automatizimit industrial. Kompania gëzon të drejtën e përfaqësimit si Panel Builder nga "Schneider Electric" deri në 4000 A.

Në kuadër të zgjerimit të stafit, "ITE Group" kërkon të punësojë Punëtor Magazine (M).

Detyrat

• Organizon vazhdimisht produktet në raftet përkatëse, sipas kategorive dhe procedurave të përcaktuara, me qëllim lehtësimin e përgatitjes së porosive.
• Ndjek procedurat që lidhen me hyrjen dhe daljen e mallrave.
• Kujdeset që raftet të jenë të furnizuara me produkte dhe njofton eprorët kur evidentohen mungesa.
• Angazhohet në mënyrë aktive gjatë inventarëve vjetorë dhe atyre periodikë.
• Mban përgjegjësi për stokun e magazinës.
• Përkujdeset çdo ditë që magazina të jetë e pastër dhe e sistemuar.

Kualifikimet

• Të ketë arsim të mesëm.
• Të zotërojë aftësi të mira organizimi dhe koordinimi.
• Përvoja e punës në magazinim konsiderohet përparësi.
• Të jetë i matur, i besueshëm dhe profesional.
• Të ketë aftësi të mira për bashkëpunim.