Përshkrimi

Kompania ITE Enineering shpk , e angazhuar në realizimin e projekteve elektrike, synon të zgjerojë stafin me një Inxhinier Elektrik për Mirëmbajtje/Zbatim në Impiantet Fotovoltaike.

Qëllimi i kësaj pozite është të mbajë impiantet fotovoltaike në nivel optimal funksionimi, duke siguruar mirëmbajtje profesionale, zbatim të saktë të punimeve dhe operim të sigurt e të qëndrueshëm të sistemeve elektrike.

Detyrat

• Të mbikëqyrë punën e sistemeve elektrike në impiantet fotovoltaike, përfshirë modulet PV, inverterat, transformatorët, panelet elektrike, kabllimet DC/AC, si edhe sistemet e mbrojtjes dhe të kontrollit.
• Të zhvillojë inspektime të rregullta, të kryejë diagnostikime dhe të evidentojë problematikat teknike që paraqiten në impiant.
• Të realizojë mirëmbajtje parandaluese dhe korrigjuese në përputhje me planet e përcaktuara të mirëmbajtjes.
• Të shqyrtojë alarmet dhe avaritë e inverterave, të sistemeve SCADA/monitorimit dhe të pajisjeve elektrike.
• Të ndjekë dhe të koordinojë proceset e instalimit, montimit dhe komisionimit të pajisjeve elektrike.
• Të mbikëqyrë zbatimin e punimeve elektrike në terren sipas projekteve, skemave elektrike dhe kërkesave teknike.
• Të verifikojë cilësinë e materialeve dhe pajisjeve që përdoren gjatë zbatimit të punimeve.
• Të lexojë dhe të interpretojë skemat elektrike, vizatimet teknike dhe dokumentacionin e projektit.
• Të kryejë matje dhe testime elektrike, si izolim, vazhdimësi, tokëzim, tension dhe rrymë.
• Të hartojë raporte teknike për mirëmbajtjen, ndërhyrjet dhe gjendjen e pajisjeve.
• Të përcaktojë nevojat për pjesë këmbimi dhe të koordinojë ndërhyrjet teknike përkatëse.
• Të bashkëpunojë ngushtë me ekipet e instalimit, operatorët, furnitorët dhe kontraktorët teknikë.
• Të garantojë zbatimin e procedurave të sigurisë në punë dhe respektimin e standardeve për punimet elektrike.

Kualifikimet

• Të zotërojë diplomë Bachelor/Master në Inxhinieri Elektrike, me preferencë për profil energjetik.
• Të ketë përvojë në mirëmbajtje ose në zbatimin e sistemeve elektrike; përvoja në impiante fotovoltaike vlerësohet si përparësi.
• Të ketë njohuri për sistemet PV, inverterat, pajisjet e tensionit të ulët dhe të mesëm, si edhe për mbrojtjet elektrike.
• Të jetë në gjendje të analizojë skema elektrike dhe dokumentacion teknik.
• Të ketë njohuri bazë mbi sistemet e monitorimit SCADA dhe mbi diagnostikimin e defekteve.
• Të dallojë për aftësi organizative, ndjenjë përgjegjësie dhe orientim drejt zgjidhjes së problemeve.
• Të jetë i gatshëm për punë në terren dhe për ndërhyrje teknike sipas nevojës.