Përshkrimi

Specialist/e Rekrutimi

Ky rol ka për synim të gjejë dhe të bashkëpunojë me kompani që kanë nevojë për procese rekrutimi, duke ua prezantuar dhe ofruar shërbimet e Agjencisë.

Detyrat

Detyrat dhe përgjegjësitë përfshijnë:

• Gjetjen e kompanive/klientëve që kanë nevojë për shërbime rekrutimi dhe zgjerimin e vazhdueshëm të portofolit të tyre.
• Zhvillimin e takimeve me kompani/klientë për të paraqitur shërbimet e rekrutimit që ofron Agjencia.
• Mbajtjen e komunikimit me klientët për të kuptuar qartë kërkesat e tyre për rekrutim.
• Ofrimin e këshillimit për klientët lidhur me praktikat më efikase në fushën e rekrutimit.
• Hartimin e përshkrimit të punës dhe përcaktimin e specifikimeve të marrëveshjes së rekrutimit.
• Ofrimin e mbështetjes aktive ndaj kërkesave të klientëve, duke siguruar që cilësia e shërbimit jo vetëm t’i përmbushë, por edhe t’i tejkalojë pritshmëritë e tyre.
• Kryerjen e telefonatave dhe intervistave me kandidatët që shprehin interes.
• Dërgimin te kompanitë të listës së përzgjedhur të kandidatëve, së bashku me informacionin specifik të mbledhur gjatë intervistimit.
• Monitorimin e vijimësisë së procesit të rekrutimit pasi kandidatët janë dërguar në kompani.
• Raportimin në mënyrë periodike të rezultateve të punës.

Kualifikimet

Edukimi:

• Diplomë të nivelit Master në një nga fushat: Menaxhim Biznesi, Juridik, Ekonomik, Marketing.
• Kualifikime të tjera, brenda ose jashtë vendit, konsiderohen përparësi.

Përvoja në punë dhe aftësitë e nevojshme:

• Të ketë njohje të mirë të tregut të punës.
• Të ketë eksperiencë në shitjen e shërbimeve në këtë treg, si shërbime rekrutimi, punësimi, këshillimi për karrierë etj.
• Të zotërojë njohuri dhe përvojë shumë të mirë në procese të avancuara rekrutimi.
• Të jetë i/e aftë të përshtatet me një kombinim pune në terren dhe në zyrë.
• Të ketë njohuri dhe përvojë në përdorimin e mjeteve dhe metodave për identifikimin e kompanive.
• Të ketë aftësi të mira për ndërtimin dhe përmbylljen me sukses dhe në kohë të shpejtë të proceseve të bashkëpunimit/rekrutimit.
• Të jetë energjik/e, me sens praktik dhe me aftësi të mira në menaxhimin e kohës.
• Të posedojë patentë të kategorisë B.

Shënime

Ofrohet:

• Kushte pune shumë të favorshme.
• Bonus dhe shpërblime në bazë të performancës.
• Mundësi për zhvillim profesional brenda kompanisë.