HOTEL AMAZONA ka hapur thirrje për pozitën:

• F&B MANAGER

Hotel Amazona po kërkon një F&B Manager me përvojë, i cili do të ketë përgjegjësi të plotë për organizimin, drejtimin dhe zhvillimin e departamentit Food & Beverage.

Kompania synon të angazhojë një profesionist me aftësi udhëheqëse, organizative dhe operative, i gatshëm të drejtojë ekipin, të rrisë standardet e shërbimit dhe të ndihmojë në zhvillimin e mëtejshëm të hotelit.

PËRGJEGJËSITË KRYESORE

• Udhëheqja e përditshme e funksionimit të restorantit dhe e organizimit të eventeve.
• Organizimi dhe mbikëqyrja e ekipit të sallës dhe shankut, si dhe koordinimi me kuzhinën.
• Përpilimi dhe ndjekja e orareve të punës.
• Mbikëqyrja e cilësisë së shërbimit dhe e nivelit të kënaqësisë së mysafirëve.
• Menaxhimi i Food Cost dhe Beverage Cost.
• Kontrollimi i inventarit, stokut dhe proceseve të furnizimit.
• Planifikimi dhe koordinimi i eventeve, dasmave dhe aktiviteteve të hotelit.
• Zbatimi dhe monitorimi i standardeve të higjienës dhe sigurisë ushqimore.
• Trajnimi i stafit, motivimi i tij dhe mbështetja për zhvillim profesional.
• Hartimi i raporteve operative dhe analizimi i rezultateve mujore.
• Bashkëpunimi i afërt me pronësinë dhe me departamentet e tjera të hotelit.

KRITERET E KËRKUARA

• Së paku 3 vite përvojë në rol menaxherial në hoteleri, restorant ose në sektorin F&B.
• Përvojë e dëshmuar në menaxhimin e ekipeve.
• Njohuri për kontrollin e kostove dhe planifikimin operacional.
• Aftësi të zhvilluara organizative dhe komunikuese.
• Nivel i lartë përgjegjësie, profesionalizëm dhe orientim ndaj rezultateve.
• Aftësi për vendimmarrje dhe për zgjidhjen e sfidave operative.
• Njohja e gjuhës angleze konsiderohet avantazh.

ÇFARË OFRON HOTEL AMAZONA

• Pagë konkurruese, e negociueshme sipas përvojës dhe rezultateve.
• Bonus në bazë të performancës.
• Përkrahje të plotë nga pronësia.
• Autoritet dhe hapësirë për organizimin dhe zhvillimin e sektorit F&B.
• Ambient pune profesional dhe të qëndrueshëm.
• Mundësi për zhvillim dhe avancim afatgjatë.
• Mundësi për t’u bërë pjesë e një projekti serioz dhe në rritje.

Investojmë në njerëzit që krijojnë rezultate.