Bashkohu me Shkollën Horizon — institucion arsimor me traditë që nga viti 1997 dhe pjesë e rrjetit Cambridge International School — dhe bëhu personi që formon hapat e parë të nxënësve në botën e dijes!

Si Edukatore për klasën parafillore, do të punosh me fëmijët në momentet më të bukura të zhvillimit të tyre, duke u sjellë mësimet e para në një ambient të ngrohtë dhe stimulues. Çdo ditë sjell mundësinë për të zgjuar kuriozitetin, për të zhvilluar aftësitë sociale dhe për të mbjellë dashurinë për mësimin.

Do të punosh në një shkollë me standarde ndërkombëtare dhe me ekipe pedagogjike që ndajnë të njëjtin përkushtim ndaj cilësisë. Në Horizon School do të gjesh një mjedis profesional, bashkëpunues dhe inovativ, ku vlerësohet përkushtimi dhe zhvillimi i vazhdueshëm.

Është mundësi e shkëlqyer për dikë me pasion për fëmijët dhe edukimin, që do një karrierë në një institucion arsimor me reputacion të fortë.