THIRRJE E HAPUR PËR APLIKIM

PROGRAM PRAKTIKE PËR PRAKTIKANT/E NGA KOMUNITETET JO-SHUMICË NË AGJENCINË PËR NDIHMË JURIDIKE FALAS (ANJF)

Qëllimi i Programit

Grupi për Studime Juridike dhe Politike (GLPS) po zbaton një program të praktikës profesionale për të rinjtë në bashkëpunim me Agjencinë për Ndihmë Juridike Falas (ANJF). Synimi i kësaj praktike është forcimi i kapaciteteve profesionale të të rinjve në fushën juridike dhe në të drejtat e njeriut. Përmes këtij bashkëpunimi, programi mundëson angazhimin e 1 juristi/e të ri/re për një periudhë gjashtëmujore, duke i dhënë mundësi për zhvillim të mëtejshëm profesional dhe për thellim të njohurive mbi mandatin, rolin dhe funksionimin e këtyre institucioneve.

Lot 2 - Programi i Praktikës Profesionale për 1 Praktikant/e në Agjencinë për Ndihmë Juridike Falas (ANJF)

Praktikanti/ja do të angazhohet në 1 pozitë.

Kohëzgjatja e praktikës është 6 muaj.

Fillimi i angazhimit është paraparë për qershor 2026.

Lloji i kontratës është praktikë me orar të plotë.

Kompensimi ofrohet në vlerë prej 250 Euro/muaj bruto dhe lidhet me vijueshmërinë e rregullt në program sipas listave të evidencës.

Rreth programit në ANJF

ANJF po u ofron juristëve/eve të rinj/re mundësinë të bëhen pjesë e Programit të Praktikës Profesionale. Në kuadër të tij, një (1) praktikant/e që është në vitin e fundit të studimeve ose që ka përfunduar studimet juridike do të përfshihet në punën e zyrave qendrore dhe rajonale të ANJF-së. Praktika synon t'i përfshijë të rinjtë në aktivitetet e Agjencisë, t'i njohë me mandatin, fushëveprimin, detyrat dhe përgjegjësitë e saj, si dhe t'u ofrojë mentorim nga profesionistë me përvojë në ofrimin e ndihmës juridike falas në Kosovë.

Lokacioni

I/e përzgjedhuri/a do të angazhohet në Zyrën Rajonale për Ndihmë Juridike Falas në Mitrovicë.

Kërkesat dhe kualifikimet e nevojshme

• Kandidati/ja duhet të jetë shtetas/e i/e Kosovës.
• Duhet të jetë në vitin e fundit të studimeve ose të ketë diplomuar në Fakultetin Juridik.
• Në kohën e aplikimit nuk duhet të jetë mbi 29 vjeç.
• Kërkohet njohuri shumë e mirë e gjuhës serbe, si në të shkruar ashtu edhe në të folur; njohja e gjuhës shqipe ose angleze konsiderohet përparësi.
• Nevojiten aftësi të mira kompjuterike, përfshirë përdorimin e Windows-it, Word, Excel dhe email-it.
• Njohuri të mira të gjuhës angleze konsiderohen të dëshirueshme.

Dokumentet e kërkuara

• CV, me gjatësi jo më shumë se 2 faqe.
• Letër motivimi që shpjegon interesimin për programin dhe ndikimin e pritshëm nga pjesëmarrja në të.
• Për kandidatët që janë në vitin e fundit të studimeve kërkohet kopje e transkriptit të notave.
• Për kandidatët e diplomuar kërkohet kopje e diplomës universitare.
• Vërtetim që kandidati/ja nuk është nën hetime (Certifikata mbi Dënimet Penale).