Agjenti/ja i/e Shitjeve për Pasuri të Paluajtshme është përgjegjës/e për promovimin, prezantimin dhe realizimin e shitjes së apartamenteve, vilave dhe njësive të shërbimit të projekteve të ndërtimit të kompanisë. Ai/Ajo asiston klientët gjatë gjithë procesit të blerjes, nga prezantimi i projektit deri në finalizimin e kontratës, duke garantuar një përvojë profesionale, transparente dhe të kënaqshme për çdo blerës.

Detyrat

• Promovon dhe prezanton projektet e kompanisë për klientët potencialë.
• Këshillon klientët mbi tipologjitë e pasurive, çmimet, kushtet dhe strukturat e pagesës.
• Organizon dhe realizon takime, prezantime dhe vizita në terren.
• Ndjek dhe menaxhon marrëdhëniet me klientët gjatë gjithë procesit të shitjes deri në nënshkrimin e kontratës.
• Regjistron, përditëson dhe administron të dhënat e klientëve në databazën e kompanisë.
• Raporton periodikisht tek Përgjegjësi i Departamentit të Shitjeve mbi ecurinë e kontakteve, negociatave dhe shitjeve të realizuara.
• Merr pjesë aktive në evente, panaire dhe fushata promovuese të organizuara nga kompania.
• Siguron komunikim profesional dhe të vazhdueshëm me klientët ekzistues dhe potencialë.
• Bashkëpunon ngushtë me ekipin e marketingut për përmirësimin e materialeve prezantuese dhe strategjive të shitjes.
• Respekton politikat e kompanisë, rregullat e konfidencialitetit dhe standardet profesionale të komunikimit.

Kualifikimet

• Diplomë Universitare (preferohet në Ekonomi, Menaxhim, ose fusha të ngjashme).
• Eksperiencë pune 1–3 vite në shitje (përvoja në pasuri të paluajtshme përbën avantazh).
• Aftësi shumë të mira komunikimi, prezantimi dhe negocimi.
• Aftësi për të punuar në ekip dhe në mënyrë të pavarur.
• Njohuri bazë në përdorimin e programeve kompjuterike (MS Office, CRM, etj.).
• Njohuri të gjuhës angleze; njohja e gjuhëve të tjera të huaja përbën avantazh.
• Orientim drejt rezultateve dhe arritjes së objektivave të shitjes.

Ofrohet:

• Pagë konkurruese;
• Vakti i drekës i përfshirë;
• Trajnime profesionale dhe mbështetje e vazhdueshme nga ekipi i shitjeve;
• Ambient pune bashkëkohor dhe mundësi reale zhvillimi në karrierë;
• Përfshirje në projekte premium në tregun urban dhe bregdetar.