Vendos kreativitetin tënd në qendër të vëmendjes dhe bashkohu me ekipin e GiFi si Video Editor/Graphic Designer.

Ditët kalojnë mes ideve të reja vizuale, montimit të videove dinamike, dizajnimit të materialeve marketing dhe sjelljes së identitetit të brendit në jetë nëpërmjet çdo postimi dhe fushate. Do të punosh me programet kryesore të Adobe Creative Suite — Illustrator, Photoshop, InDesign, Premiere Pro dhe After Effects — duke kombinuar dizajnin grafik me prodhimin video.

Do të jesh pjesë e një kompanie energjike që frymëzon "ide gjeniale" dhe që e vlerëson talentin kreativ. Ky është një rast i shkëlqyer për dikë që do të shohë punën e vet të vlerësohet nga mijëra njerëz çdo ditë.

Nëse e ke pasion storytelling-un vizual dhe sjell ide të freskëta, ekipi ynë mezi pret të shohë portfolion tënde.

Detyrat dhe Përgjegjësitë

• Krijimi dhe editimi i videove për rrjete sociale, ekrane digjitale dhe materiale të tjera promovuese.
• Dizajnimi i materialeve grafike për marketing, oferta dhe fushata promocionale.
• Bashkëpunimi me ekipin e marketingut për zhvillimin e ideve kreative dhe realizimin e fushatave.
• Kujdesi për cilësinë vizuale dhe respektimin e identitetit të brendit.
• Ndjekja e trendeve të fundit në rrjete sociale, video marketing dhe dizajn.
• Menaxhimi i projekteve sipas afateve të përcaktuara

Kualifikimet

• Minimum 1 vit përvojë në video editim.
• Njohuri të mira në Adobe Premiere Pro/Adobe After Effects.
• Njohuri në Photoshop dhe/ose Illustrator.
• Portfolio me projekte relevante në video editim.
• Kreativitet, sens të mirë vizual dhe vëmendje ndaj detajeve.
• Aftësi të mira komunikimi dhe pune në ekip.

Ne Ofrojmë

• Ambient profesional dhe dinamik pune.
• Mundësi zhvillimi dhe avancimi në karrierë.
• Pagë konkurruese.
• Sigurim shëndetësor.
• Transport dhe shujta ditore të mbuluara nga kompania.