Përshkrimi:
Inxhineri i zbatimit ka si detyre funksionale organizimin dhe mbikqyrjen e zbatimit të punimeve civile të ndërtimit të projektit (objektit) në përputhje me projektin, preventivin, specifikimet teknike dhe standardet, grafikun e miratuar deri në fazën e dorëzimit të objektit.

Detyrat:

• Para fillimit të punimeve shqyrton vlefshmërinë e dokumentacionit tekniko-ligjor të objektit sipas një liste të miratuar;
• Shqyrton projektet e zbatimit, preventivin dhe specifikimet teknike të objektit që do të ndërtohet dhe bën vërejtjet përkatëse kur konstaton mangësi dhe parregullsi;
• Zbaton plan organizimin e punimeve, harton planet ditore, javore dhe mujore dhe paraqet tek Përgjegjësi i Sektorit Zbatimit / Menaxheri i Projektit për diskutim apo miratim;
• Mban përgjegjësi për zbatimin e punimeve në përputhje me projektet e zbatimit, preventivin, specifikimet teknike dhe standardet e cilësisë;
• Është përgjegjës për cilësinë e punimeve, aplikimin e saktë të materialeve dhe metodologjinë;
• Raporton tek Drejtori i Kantierit në bazë ditore për aktivitetet e cilësisë, hapat që ka ndërmarrë për evidentimin dhe zgjidhjen e problematikave, si dhe statusin e tyre;
• Merr pjesë në të gjitha matjet që kryhen për volumet dhe mban proces verbale përkatëse;
• Zbaton grafikun e punimeve në përputhje me afatet e përcaktuara; bën ndjekjen dhe monitorimin e punës të nënkontraktorëve, grupeve të punës apo individëve që punojnë në objekt dhe sigurohet që puna të kryhet me cilësi, në kohë, dhe sipas standardeve më të larta të HSE;
• Jep sqarime të vazhdueshme mbi organizimin e punës dhe zbatimin e projektit dhe kushteve teknike tek Drejtuesi i Kantierit;
• Përpilon, plotëson dhe raporton listën e prezencës së punonjësve në kantier;
• Plotëson ditarin e punimeve dhe Librin e kantierit dhe ia paraqet eprorit për miratim;
• Harton në mënyrë të vazhdueshme librezat e masave për punimet që kryhen;
• Përgatit në mënyrë periodike listë pagesat për punët që realizohen nga nënkontraktorët, grupet e punës apo individë në objekt;
• Plotëson në vazhdimësi dokumentacionin tekniko-ligjor gjatë fazave të ndërtimit deri në përfundim të objektit;
• Evidenton nevojat për ndryshime në projektet e zbatimit dhe preventivin e objektit dhe i propozon në strukturat përkatëse për miratim;
• Ndjek dhe mban përgjegjësi për normativat e harxhimit të materialeve që vendosen në vepër;
• Kërkon dhe verifikon që të gjitha materialet që vijnë në objekt të jenë të shoqëruara me certifikata origjine dhe cilësie konform specifikimeve teknike.

Kualifikimet:

• Të jetë i diplomuar në Inxhinieri Ndërtimi;
• Të ketë njohuri të mira të gjuhës angleze dhe një prej gjuhëve të tjera të BE-së;
• Të ketë minimumi 5 vite eksperiencë pune në projekte civile;
• Të shfaqë aftësi të mira analitike dhe raportuese;
• Të ketë aftësi të mira komunikuese me shkrim dhe verbal;
• Të jetë i gatshëm të punojë jashtë Tiranë.

Dokumentet e kërkuara:

• CV

Afati i fundit i aplikimit: data 17 Prill 2026, ora 17:00.

Shënime:

• Vetëm kandidatët e përzgjedhur do të kontaktohen.
• Të gjithë aplikimet do të trajtohen me konfidencialitet sipas ligjit Nr. 9887 mbi “Mbrojtjen e të dhënave personale”.