Bashkohu me ekipin e Foleja Home dhe bëhu pjesë e procesit ku materialet bruto shndërrohen në mobilje cilësore!

Si Ndihmës në Gërryrje, do të punosh me MDF dhe sipërfaqe të tjera druri, duke i përgatitur ato me kujdes para se të kalojnë në fazën e ngjyrosjes. Çdo ditë do të mësosh nga mjeshtër me përvojë dhe do të zhvillosh aftësi konkrete në një industri ku puna jote ndihet drejtpërdrejt në produktin final.

Do të jesh pjesë e një ekipi prodhimi që punon me organizim, përkushtim dhe respekt të lartë për cilësinë dhe sigurinë.

Është mundësi e shkëlqyer për dikë që pëlqen punën fizike, është i/e gatshëm/e të mësojë dhe kërkon stabilitet në një kompani serioze.

Përgjegjësitë kryesore

• Ndihmon në gërryerjen dhe lëmimin e mediapanit (MDF) sipas standardeve të cilësisë.
• Përgatit materialet dhe sipërfaqet për procesin e ngjyrosjes.
• Asiston në kontrollin e cilësisë së sipërfaqeve para dërgimit në ngjyrosje.
• Ndihmon në përdorimin dhe mirëmbajtjen e pajisjeve dhe mjeteve të punës.
• Kujdeset për pastërtinë dhe organizimin e vendit të punës.
• Respekton procedurat e sigurisë dhe bashkëpunon me ekipin e prodhimit.

Kushtet e kërkuara

• Përvoja e mëparshme në prodhim ose në pozita të ngjashme përbën përparësi.
• Gatishmëri për të mësuar dhe zhvilluar aftësi të reja profesionale.
• Aftësi për punë fizike dhe për të punuar në ekip.
• Përgjegjshmëri, përkushtim dhe kujdes ndaj detajeve.
• Respektim i rregullave të sigurisë në vendin e punës.

Informatë shtesë:

• Aplikimi është i hapur për të dy gjinitë (femra dhe meshkuj).