Përshkrimi

Fashion Group Albania renditet ndër kompanitë kryesore në tregun shqiptar të shitjes me pakicë të modës ndërkombëtare dhe aktualisht është pjesë e Albi Group. E krijuar në vitin 2005, FGA vepron si përfaqësuese ekskluzive e disa prej markave më të njohura botërore në industrinë e modës dhe aksesorëve, përfshirë Mango, Parfois, Springfield, Cortefiel, Geox, Okaïdi, Prenatal, Carpisa, Women’secret, Aldo,Tom Tailer.

Albi Group u themelua më shumë se 30 vjet më parë nga familja Humolli në Prishtinë, Kosovë, dhe është zhvilluar nga një biznes i vogël familjar në një kompani të rëndësishme në fushat e shitjes me pakicë, pasurive të paluajtshme, shpërndarjes së produkteve FMCG, shërbimeve ushqimore dhe mikpritjes. Grupi vë theks te kënaqësia e klientit, përgjegjësia sociale dhe qëndrueshmëria mjedisore, me synimin për të ndikuar pozitivisht në komunitet.

Pozicioni: Punëtor Magazine
Njësia: Logjistikë TEG

Përmbledhja e Pozicionit

Fashion Group Albania është në kërkim të të rinjve dhe punonjësve të talentuar për t’iu bashkuar ekipit të logjistikës në TEG. Personi i përzgjedhur do të merret me organizimin dhe mirëmbajtjen e magazinave të FGA, si edhe me ndjekjen e proceseve të ngarkim-shkarkimit për importet dhe eksportet që realizon kompania.

Detyrat

• Mban përgjegjësi të drejtpërdrejtë për ngarkimin dhe shkarkimin e mallrave që administrohen për llogari të Fashion Group Albania.
• Mbështet dyqanet në aktivitetin e tyre të përditshëm lidhur me lëvizjet e ndryshme të mallrave sipas nevojave përkatëse.
• Kujdeset për sistemimin e magazinave të FGA sa herë që kjo kërkohet.
• Mirëmban mjetet e punës dhe sigurohet që, në përfundim të ditës, ato të jenë vendosur në hapësirën e duhur të magazinimit.
• Duhet të jetë i gatshëm të punojë edhe jashtë ambienteve të TEG, kur kjo kërkohet për nevojat e Fashion Group Albania.
• Kryen edhe detyra të tjera të caktuara nga supervizori, për aq kohë sa ato lidhen me natyrën e këtij pozicioni.

Kualifikimet

• Të jetë i aftë të punojë në ekip dhe të tregojë iniciativë.
• Të zotërojë shkathtësi të mira komunikimi.
• Të ketë aftësi për të përballuar punë fizike.
• Të jetë person i besueshëm.
• Përvoja e mëparshme në kompani me veprimtari të ngjashme përbën avantazh.