Përshkrimi

Fashion Group Albania renditet ndër kompanitë kryesore në tregun shqiptar të shitjes me pakicë të modës ndërkombëtare dhe tani është pjesë e Albi Group. E krijuar në vitin 2005, FGA vepron si përfaqësuese ekskluzive e disa prej markave më të njohura botërore në fushën e modës dhe aksesorëve, si Mango, Parfois, Springfield, Cortefiel, Geox, Okaïdi, Prenatal, Carpisa, Women’secret, Aldo,Tom Tailer.

Albi Group, i themeluar më shumë se 30 vjet më parë nga familja Humolli në Prishtinë, Kosovë, është zhvilluar nga një sipërmarrje e vogël familjare në një grup të rëndësishëm që operon në shitjen me pakicë, pasuritë e paluajtshme, shpërndarjen e mallrave të konsumit të shpejtë (FMCG), shërbimet ushqimore dhe mikpritjen.

Albi Group vlerëson kënaqësinë e klientit, përgjegjësinë shoqërore dhe qëndrueshmërinë mjedisore, duke kontribuar në ndërtimin e një të ardhmeje më të mirë për komunitetin.

Pozicioni: Punëtor Magazine
Njësia: Logjistikë QTU

Përmbledhja e Pozicionit:

Fashion Group Albania është në kërkim të të rinjve dhe punonjësve të talentuar për t’iu bashkuar ekipit të logjistikës në QTU. Personi i përzgjedhur do të kujdeset për mirëmbajtjen e magazinave të FGA dhe do të ndjekë proceset e ngarkim-shkarkimit të importeve dhe eksporteve që realizon kompania.

Detyrat

• Mban përgjegjësi të drejtpërdrejtë për ngarkimin dhe shkarkimin e mallrave që administrohen për llogari të Fashion Group Albania.
• Mbështet dyqanet në aktivitetet e përditshme që lidhen me lëvizjet e ndryshme të mallrave sipas nevojave të tyre.
• Kujdeset për organizimin dhe rregullimin e magazinave të FGA sa herë që paraqitet nevoja.
• Mirëmban mjetet e punës dhe sigurohet që në përfundim të ditës ato të jenë vendosur në hapësirën e duhur të magazinimit.
• Duhet të jetë i gatshëm të punojë edhe jashtë ambienteve të QTU, kur kjo kërkohet për nevojat e Fashion Group Albania.
• Kryen edhe detyra të tjera të caktuara nga supervizori, për aq sa ato lidhen me natyrën e këtij pozicioni.

Kualifikimet

• Të bashkëpunojë mirë në ekip dhe të tregojë iniciativë.
• Të zotërojë aftësi të mira komunikimi.
• Të jetë i aftë të përballojë punë fizike.
• Të jetë person i besueshëm.
• Përvoja e punës në kompani me veprimtari të ngjashme përbën avantazh.