KONKURS PUNE

exCoins.me është kompania udhëheqëse për këmbimin e kripto-aseteve në Kosovë dhe, si pjesë e zgjerimit të veprimtarisë së saj dhe konsolidimit të proceseve të brendshme operative, ka hapur konkurs për këtë pozitë:

Zyrtar/e për Parandalimin e Pastrimit të Parave dhe Financimit të Terrorizmit (PPP/LFT)

Vendi i punës: Prishtinë.

Orari i punës: Orar i plotë.

Përgjegjësitë kryesore:

• Zbatim, mbikëqyrje dhe rifreskim i politikave dhe procedurave që lidhen me PPP/LFT (AML/CFT).
• Zhvillim i proceseve të verifikimit të klientëve (KYC / CDD / EDD) për persona fizikë dhe juridikë.
• Vëzhgim i transaksioneve dhe evidentim i aktiviteteve ose modeleve që mund të konsiderohen të dyshimta.
• Hartim dhe raportim i transaksioneve të dyshimta te autoritetet përgjegjëse (NJIF).
• Ruajtje, administrim dhe përditësim i dokumentacionit dhe regjistrave që kanë të bëjnë me PPP/LFT.
• Ofrim i këshillimit dhe mbështetjes për degët dhe stafin e kompanisë gjatë zbatimit të politikave dhe procedurave për PPP/LFT.
• Përgatitje dhe realizim i planit vjetor të miratuar për monitorim dhe trajnim të stafit në këtë fushë.
• Përcjellje e ndryshimeve ligjore dhe rregullative që lidhen me PPP/LFT dhe përputhshmërinë.
• Asistim për kompaninë gjatë auditimeve të brendshme, auditimeve të jashtme dhe inspektimeve nga autoritetet rregullatore.

Kualifikimet e kërkuara:

• Diplomë universitare në Juridik, Ekonomi, Financa, Menaxhim ose në fusha të afërta.
• Njohje shumë e mirë e legjislacionit të PPP/LFT në Kosovë.
• Përvojë pune në AML/Compliance, bankë, institucion financiar, fintech ose në sektorin e kripto-aseteve, që konsiderohet përparësi.
• Njohuri praktike për proceset KYC dhe mbikëqyrjen e transaksioneve.
• Shkathtësi të forta analitike dhe përqendrim i lartë në detaje.
• Aftësi të mira në komunikim, organizim dhe sjellje profesionale.
• Njohuri të mira të gjuhës angleze, si në të shkruar ashtu edhe në të folur.
• Nivel i lartë i besueshmërisë dhe diskrecion profesional.

Ne ofrojmë:

• Një rol të rëndësishëm me nivel të lartë përgjegjësie brenda strukturës së kompanisë.
• Mjedis pune profesional, dinamik dhe me frymë bashkëpunuese.
• Mundësi konkrete për zhvillim profesional dhe ngritje në karrierë.
• Paketë përfitimesh në përputhje me politikat e kompanisë.
• Mundësinë për t'iu bashkuar kompanisë lider në industrinë e kripto-aseteve në Kosovë.