Përshkrimi

EVEREST shpk është një kompani lidere në prodhimin e profileve të aluminit dhe fasadave për ndërtesa. Në kuadër të zgjerimit të ekipit të shitjeve, kompania kërkon Menaxher të Shitjes për rajonet Jug-Lindje, Pogradec, Elbasan.

Kandidatët e përshtatshëm duhet të kenë njohuri shumë të mira në fushën e shitjeve.

Detyrat

• Mban dhe zhvillon marrëdhëniet me klientët ekzistues, si edhe evidenton klientë të rinj me potencial.
• Prezanton produktet në mënyrë profesionale dhe bashkëpunon me departamentin e shitjeve për hartimin e kushteve dhe kontratave të shitjes për klientët që mbulon.
• Ofron mbështetje dhe shërbim për klientët si përpara ashtu edhe pas realizimit të shitjes.
• I raporton menaxherit të përgjithshëm për ecurinë e shitjeve të kompanisë.

Kualifikimet

• Diplomë në Administrim Biznes, Financë, Marketing ose në një fushë tjetër të ngjashme.
• Përvojë të mëparshme në shitje.
• Njohuri të gjuhës angleze dhe italiane; njohja e gjuhëve të tjera përbën avantazh.
• Shkathtësi shumë të mira në komunikim dhe bashkëpunim.
• Aftësi për të punuar në mënyrë të pavarur, por edhe në kuadër ekipi.
• Leje drejtimi e kategorisë B.

Çfarë ne ofrojmë

• Pagë konkurruese dhe bonus sipas performancës.
• Mundësi për zhvillim profesional dhe pjesëmarrje në trajnime.
• Mjedis pune dinamik dhe bashkëpunues.

Orari i punës është nga e hëna deri të premten.